Nino Tempo (fødd 6. januar1935 som Antonino LoTempio) er ein USA-amerikansk musikar, songar og skodespelar.
Nino Tempo var eit musikalsk vedunderbarn og spelte klarinett og tenorsaksofon som barn. Han vann eit talentshow berre fir år gammal og spelte på fjernsyn med Benny Goodman då han var sju år. Då familien flytta til California spelte han på radioshowet til Horace Heidt. Som barneskodespelar spelte han i filmar som The Red Pony i 1949 og The Glenn Miller Story i 1953 med James Stewart. Han vart ein etterspurt studiomsuikar og arbeidde som ein del av The Wrecking Crew, i tillegg til at han spelte med Elkie Brooks og Maynard Ferguson (Live at the Peacock, 1956).
Nino Tempo er mest kjend for duetten «Deep Purple» på Atco i lag med systera Carol (som song under artistnamnet April Stevens), som gjekk til topps på Billboard Hot 100 i 1964. Songen vann òg Grammyprisen for beste rock and roll-song, og selde meir enn ein million eksemplar.[1]
Seint i 1973 fekk Tempo den siste hitten sin på Hot 100 med den (nesten) instrumentale «Sister James», som nådde 53. plassen på lista som Nino Tempo and 5th Ave. Sax.
