Byen har allsidig industri med bl.a. produksjon av kvitevarer, papir, emballasje og metallvarer. På ein holme i Tidan ligg kongsgarden Marieholm frå 1600-talet, som no er landshøvdingsresidens.
Namnet Mariestad inneheld namnet «Maria» i genitiv, tidlegare stava «Mariæ». Det har endra stavemåte i samsvar med den moderne uttala av «Marie». Mariestad blir på folkemunne kalla «Vänerns pärla» ettersom byen ligg vakkert til ved sjøen Vänern.
Byen blei grunnlagt i år 1583 av hertug Karl, som seinare blei Karl IX av Sverige. Han er oppkalla etter hustrua hans Maria av Pfalz. Mariestad er saman med Kalmar dei einaste byane i Sverige som har domkyrkje, men ingen biskop.
