Jakob I av England (19. juni 1566–27. mars 1625) var konge av Skottland som Jakob VI av Skottland frå 24. juli 1567, og konge av England og Irland frå 24. mars 1603. Han var den første som var konge av dei tre kongerika samstundes. Jakob I var son av Maria Stuart og Darnley, og var den første engelske kongen frå fyrstehuset Stuart. Han etterfylgde den siste monarken av fyrstehuset Tudor, Elisabeth I, som døydde utan å ha fått barn. Sonen hans, Charles, etterfylgde han som Karl I av England.