Jack Cox (ok: Jack E. Cox, John Cox, John J. Cox; * 26. Juli 1890 in London-Fulham; † 29. Juli 1960 in de Graffschop Surrey) weer en britischen Kameramann, de sünners för sien Arbeiten an Alfred Hitchcock sien Fröhwark bekannt weer.
Leven un Wark
Cox is 1910 as Loopjungen bi de Produkschoonssellschop Gaumont British to’n Film kamen. Anfang vun de 1920er Johren is he Baaskameramann vun de Stoll Co. worrn. Toeerst hett he an eenige Inszeneren vun den Speelbaas Maurice Elvey arbeit. 1927 hett he Hitchcock drapen un vun doran bit 1932 all sien Filmen dreiht. Na en poor swacke Produkschoon to’n Ünnerhollen in verschedene Genres hett Hitchcock em noch en letzt mol ranhalt för sien Thriller The Lady Vanishes.
An’t Enn vun’n Krieg weer he an tallrieke Filmromanzen un Aventüergeschichten mitarbeit, de bi de tokiekers gresig populär weern un för de Kameratechnik en grote Rutfoddern weern. Disse Produkschonen hett he för de in de 1940er Johren utermatig spoodrieke Firma Gainsborough Pictures maakt. Sien Loopbahn güng to Enn mit söss Kummedien vun den Speelbaas John Paddy Carstairs, de in de 1950er Johren produzeert weern.
Filmarbeiten (Utwahl)
Literatur
Weblenken
