Hogenhusen (hoochdüütsch Hohenhausen) is en Oort in de Gemeen Ohlers (Samtgemeen Harsfeld) in’n Landkreis Stood, Neddersassen. De Oort höört polietsch von öllers to Wangersen mit to.
Geografie
Dat Water föhrt de Sellhorner Beek ut Hogenhusen af, de later in’n Knüllbeek münnt. Poor hunnert Meter in’n Oosten von’n Oort flütt de Kohbeek langs.
De Naveröörd sünd Bokel un Ohrenswohl in’n Noorden, Lütt Wangersen in’n Noordoosten, Woonst in’n Oosten, Lütt Ippens un Groot Ippens in’n Süüdoosten, Sellhorn un Steddörp in’n Westen un Wangersen in’n Noordwesten.
Historie
In de Franzosentied von 1810 bet 1814 hett de Oort to de Mairie Bevern in’n Kanton Zeven höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1885 to dat Amt Harsfeld tohöört. Na 1885 weer dat in’n Kreis Stood. 1932 is dat Deel von’n ne’en, grötteren Kreis Stood worrn.
Mit de Gemeenreform in Neddersassen an’n 1. Juli 1972 is de Oort Hogenhusen as Deel von de ole Gemeen Wangersen Deel von de ne’e Gemeen Ohlers worrn.
Inwahnertall
| Johr |
Inwahners
|
| 1824-00-001824[1] |
2 Füürsteden
|
| 1871-12-011. Dezember 1871[2] |
27 Lüüd, 4 Hüüs
|
Religion
Hogenhusen is evangeelsch-luthersch präägt un höört to dat Kaspel Ohlers.
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
In’n Oort gifft dat ok en lütten Karkhoff.
Weertschop un Infrastruktur
Verkehr
De Dörpstraat, de dör Hogenhusen geiht, löppt in’n Noordwesten na Wangersen un in’n Süüdoosten na de Kreisstraat 134 un Lütt Ippens. Na Noordoosten geiht von de Dörpstraat noch en Straat af na Lütt Wangersen.
De nächste Autobahn is de Autobahn 1 (Afsnidd Hamborg–Bremen). De Opfohrt 47 Zittens liggt so negen Kilometer in’n Süüdoosten von Hogenhusen.
De nächste Bahnhoff is so bi 13 Kilometer wied weg in’n Noorden in Harsfeld an de Bahnlien Buxthu–Bremerhoben.
- ↑ C. H. Jansen: Statistisches Handbuch des Königreichs Hannover. 1824, Sied 286: http://books.google.de/books?id=tG0AAAAAcAAJ&pg=PA286
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 141: https://books.google.de/books?id=qTZDAQAAMAAJ&pg=RA2-PA141
