Ohrenswohl (hoochdüütsch Ahrenswohlde Gemeen Ohlers in’n Landkreis Stood , Neddersassen .
Historie
Vör 1885 weer dat Dörp in de Böörd Ohlers binnen dat Amt Harsfeld . Na 1885 hett dat denn to’n Kreis Stood höört un von 1932 af an to’n hüdigen Landkreis Stood.
In’n Eersten Weltkrieg sünd teihn Soldaten ut Ohrenswohl fullen oder vermisst un in’n Tweten 44[ 1]
Von 1967 bet to’n 1. Juli 1972 weer de Oort Liddmaat von de Samtgemeen Ohlers . An’n 1. Juli 1972 keem Ohrenswohl mit de Gemeenreform in Neddersassen to de Gemeen Ohlers.
An’n 5. Juli 1988 is en Fleger von’n Typ RF-4E Phantom von dat Aufklärungsgeschwader 52 von de Bundswehr bi Ohrenswohl afstört. De Piloten hebbt sik mit’n Sleudersitz reddt.
Inwahnertall
Johr
Inwahners
1824-00-00 1824[ 2] 12 Füürsteden
1848-00-00 1848[ 3] 145 Lüüd, 25 Hüüs
1910-12-01 1. Dezember 1910[ 4] 259
1925-00-00 1925[ 5] 285
1933-00-00 1933[ 5] 301
1939-00-00 1939[ 5] 305
Religion
Kapell op’n Karkhoff Ohrenswohl is evangeelsch-luthersch präägt un höört to dat Kaspel Ohlers .
För de Kathoolschen is de St.-Michaels-Kark in Harsfeld tostännig, de siet 1. September 2010 to de Karkengemeen Mariä Himmelfohrt in Buxthu höört.
Kultur
Denkmaal En Denkmaal för de Fullenen ut de twee Weltkrieg’ steiht op’n Karkhoff.
Verenen
De Freewillige Füürwehr Ohrenswohl is 1935 grünnt worrn.
Weertschop un Infrastruktur
Verkehr
Dör Ohrenswohl löppt de Landsstraat 127 , de in’n Noordoosten över Obbens na Buxthu an de Bundsstraat 73 föhrt un in’n Süüdwesten na Wangersen un von dor as L 124 wieder na Heeßel un Zeven an de B 71 . De L 127 warrt krüüzt von de Kreisstraat 54 , de in’n Noordwesten na Ohlers an de L 124 föhrt un in’n Süden na Groot Ippens un Zittens . In’n Oosten föhrt von de L 127 de K 69 na Ohrensmoor-Oost an de K 59 .
Au bi OhrenswohlDe nächste Autobahn is de Autobahn 1 (Afsnidd Hamborg –Bremen ). De Opfohrt 47 Zittens liggt so ölven Kilometer in’n Süüdoosten von Ohrenswohl an de L 130 .
De nächsten Bahnhööv sünd so bi ölven Kilometer wied weg in’n Noorden de Bahnhoff Bargst un de Bahnhoff Harsfeld an de Bahnlien Bremerhoben–Buxthu . De Bahnhoff Zittens an de Bahnlien Hamborg–Bremen liggt twölv Kilometer in’n Süüdoosten.
Ver- un Entsorgung
Dat Afwater ut Ohrenswohl warrt över dat Kanaalnett na dat Klärwark Bockholt afföhrt un dor reinigt.
De Pastoor Heinrich Kröger , de veel över Plattdüütsch in de Kark schreven hett, is in Ohrenswohl boren.
↑ http://www.denkmalprojekt.org/dkm_deutschland/ahrenswohlde_ns.htm ↑ C. H. Jansen: Statistisches Handbuch des Königreichs Hannover. 1824, Sied 8: http://books.google.de/books?id=tG0AAAAAcAAJ&pg=PA8
↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 134: http://books.google.de/books?id=eOI-AAAAcAAJ&pg=PA134
↑ http://www.gemeindeverzeichnis.de/gem1900/gem1900.htm?hannover/stade.htm
↑ a b c http://www.verwaltungsgeschichte.de/stade.html
Weblenken
