Grote Seen

Disse Artikel is man blots en Stubben. Du kannst Wikipedia helpen un em verbetern.

Satellitenbild von de Seen

Koort von de Seen mit de Waterscheden

Profil von de Seen mit de Höögd

De Groten Seen (engelsch Great Lakes; franzöösch Grands Lacs) sünd en Grupp von Söötwater-Seen in Noordamerika (USA un Kanada), de alltohoop so 244.106 km² groot sünd, bi en Volumen von bi 22.671 km³. De fiev Groten Seen sünd de Ontariosee, de Eriesee, de Huronsee, de Michigansee un Lake Superior. Von de Geologie höört de Nipigonsee egentlich ok noch to de Groten Seen, warrt aver mehrstentieds dor nich mehr mit totellt. In de Seen gifft dat so bi 35.000 Eilannen.

De Michigansee is ganz in de USA, de annern veer Seen sünd all op de Grenz von de USA un Kanada. Över den Sankt-Lorenz-Stroom sünd se mit’n Atlantik verbunnen. Över den Sankt-Lorenz-Seeweg un de Grote-Seen-Waterstraat köönt so ok grote Scheep von’n Atlantik na de Seen hen föhren. Över de Illinois-Waterstraat sünd de Seen ok mit’n Mississippi verbunnen. Bi de Scheep, de op de Seen föhrt, hett sik de Seen-Frachter as besünner Typ rutbillt.

De Ünnerscheed in de Höögd is so 150 m, de gröttste Deel dorvon twüschen Erie- un Ontariosee, wo de Waterfäll von Niagara dalstört.

Historie

Dat eerste gröttere europääsche Schipp op de Seen weer de Brigantien Le Griffon, mit de von René-Robert Cavelier, Sieur de La Salle an’n 7. August 1679 von Cayuga Creek losföhrt is.

De Seen

See	Lake Superior	Huronsee	Michigansee	Eriesee	Ontariosee
Höögd	183 m	176 m	176 m	174 m	75 m
Rebeed	82 414 km²	59 596 km²	58 016 km²	25 745 km²	18 529 km²
Volumen	12100 km³	3540 km³	4918 km³	484 km³	1639 km³
Deepd in’n Dörsnidd	149 m	59 m	85 m	19 m	86 m
Max. Deepd	406 m	229 m	282 m	64 m	244 m
Gröttste Öörd	Duluth Sault Ste. Marie Thunder Bay	Sarnia	Chicago Gary Green Bay Milwaukee	Buffalo Cleveland Erie Toledo	Hamilton Kingston Oshawa Rochester Toronto

Weblenken

Grote Seen. Mehr Biller, Videos oder Audiodateien to’t Thema gifft dat bi Wikimedia Commons.

Koordinaten:45° 49′ N, 84° 41′ W