Toronto is mit 2,809 Millionen Inwahner (Stand: 2014) up en Flach van 630,18 km², de gröttste Stadt van Kanada. Se liggt an dat Nordwestufer van den Lake Ontario in de Provinz Ontario, van de se ok de Hööftstadt is.
Toronto wurrd as de „Stadt vun de Stadtdeelen“ betekent. Bit to 240 Deelen harr dat Olt Toronto (engelsch: Old City of Toronto) oder Downtown bit 1997, as dat in Metropolitan Toronto ingleedert wurr.
Siet 1. Januar 1998 sett sück de Metropole ut de söss Stadtbezirke Old Toronto (Downtown Core (Central), North End, East End, West End), North York, Scarborough, Etobicoke, York un East York tosommen. De wedderum sünd in 140 neighbourhoods (Nahberschapen) upgleedert. De 140 Nahberschapen wurrn in all tohoop 44 Verwaltensbezirke oder wards tosommenfaat, de en Raatsherr (councillor) vörsteiht.
De öldst Sporen vun minschlich Besiedlung in den Ruum vun de hüdige Stadt Toronto sünd 11.000 Johr olt. 1793 wurr dor de Siedlung York grünnd, de an‘ 6. März 1834 Toronto nömmt wurr, dormit man sück beter van New York ünnerscheeden kunn.
De Asteroid Toronto is nah de Stadt nömmt wurrn.
Bekannt Lüüd ut diesse Stadt
Weblinks
