Moderspraak is Franzöösch för rund 74 Millionen Lü. Dorto kaamt noch bi 50 Millionen, de Franzöösch as Tweetspraak köönt (op Stann vun 1999).
Franzöösch un Plattdüütsch
Franzöösch hett sien Sporen in de plattdüütsche Spraak achterlaten. Dat kümmt besünners vun de Franzosentiet, wat de Tiet weer, as Napoléon Bonaparte dör Europa trock. Aver ok vun wegen dat dat fein weer, sünnerlich bi den Adel, Franzöösch to snacken. Un denn keem ok wat an Wöör över See, deelwies ok över dat Ingelsche.
