De Generaalstaatsanwalt (engelsch Attorney-General) is en Berader von de Regeren von Belize för dat Justizwesen, de gliektiedig ok Justizminister is. He is Maat von dat Kabinett von Belize. De Generaalstaatsanwalt hett sien Seet an de Independence Plaza in Belmopan.
Historie
De Rull von’n Generaalstaatsanwalt is in de Verfaten von Belize in Afsnidd 42 fastleggt. De Generaalstaatsanwalt mutt dat Recht hebben, as Avkaat in en höger Gericht (Court of Unlimited Jurisdiction) von’n Commonwealth oder in de Republik Irland optotreden un düt Recht mutt opminnst fiev Johr lang bestahn hebben, bevör de Person dat Amt övernehmen kann. Wenn de Generaalstaatsanwalt sien Opgaven nich mehr doon kann, kann de Generaalguvernör siene Opgaven op en annere Person överdregen, de de Anforderungen an dat Amt von’n Generaalstaatsanwalt erfüllt.
In Zivilprozessen gegen den Staat Belize övernimmt de Generaalstaatsanwalt de Rull as Anklaagten (in Kriminaalprozessen is dat de Kroon).
Bet 2010 müss he Maat von de Natschonaalversammlung (also Maat von Repräsentantenhuus oder Senaat) ween, wat aver mit de Belize Constitution (Seventh Amendment) Bill ännert worrn is. De Generaalstaatsanwalt mutt nu anners as de annern Kabinettsmaten nich mehr Maat von de Natschonaalversammlung ween (Verfaten von Belize, Afsnidd 40.2).
Generaalstaatsanwält
