Поглед на црквата Света Троица во селото Долно Лисиче
Света Троица — македонски православен храм во скопското село Долно Лисиче. Таа се наоѓа во близина на сретселото, од десната страна на патот кој води кон селото Јурумлери и мостот на реката Вардар. Внатрешноста е живописана со нови фрески, кои се дар од семејствата кои живеат во Долно Лисиче. Според натписот на камбанаријата, таа е подигната во 1991 година со благослов на тогашниот поглавар на МПЦ и македонски архиепископ г.г. Гаврил. Во склоп на црквата се и селските гробишта, кои се одделени со ѕидови. Во 2009 година црквата била цел на грабеж.[1]