Свети Симеон Столпник е селска црква - манастир во кочанското село Мородвис.[1] Изградена и осветена е во 1968 година од тогашниот Митрополит Злетовско-струмички Наум. Иконите и фрескоживописот се изработени од Валентин Ѓуровиќ и Ангел од Кочани. Манастирот, кој е посветен во чест и спомен на преподобниот Симеон Столпник, е сместен во подножјето на планината Плачковица, во атарот на Мородвис.
Историја
Заради неевидентирани пишани документи, презентираното во врска со изградбата и осветувањето на манастирот е од искази на некои од постарите жители на с. Мородвис. Според нивни искази на тоа место постоел манастир посветен на св. Јован (не е познато дали е Крстител или Богослов), каде што месното население за време на втората светска војна наоѓало прибежиште, а подоцна месното население се собирало на 2 август на празникот посветен на Св. Илија. Во 1957 по иницијатива на селаните и со нивни средства почнала изградбата на манастирот. Многу подоцна во 1983 манастирот бил осветен од тогашниот надлежен епархиски Архијереј. Градбата на манастирот се состоела од камења ѕидани со кал и печена тула, кровната конструкција била од греди, а кровот од плет од гранки. Од 2001 до 2002 е извршена реконструкција на манастирот со благослов на Митрополитот г. Агатангел.[2]
Наводи
↑Јелена Павловска, Наташа Ниќифоровиќ и Огнен Коцевски (2011). Валентина Божиновска (уред.). Карта на верски објекти во Македонија. Менора - Скопје: Комисија за односи во верските заедници и религиозните групи. ISBN978-608-65143-2-7.
