Македонска википедија — издание на Википедија на македонски јазик. Таа е семрежна енциклопедија која е слободна и достапна за уредување.
Ова издание било почнато во септември 2003 година, и моментално има 151.854 статии и 122.568 регистрирани корисници. Го достигнала бројот од 10.000 статии во 2007 година.[1] За Македонската википедија е пишувано во месни весници, како „Нова Македонија“, додека за верзии на други јазици е пишувано и во други домашни новински агенции.