Борис Чоревски

Борис Чоревски
Роден(а)	15 септември 1949(1949-09-15) (75 г.) Скопје, НР Македонија, ФНРЈ
Националност	Македонец
Занимање	глумец
Активен период	1970 - сè уште
Познат(а) по	по улогите во: Најдолгиот пат Трговецот од Солун Црвениот коњ Прашина Мајки Трето па машко Големи и мали Ослободување на Скопје Битолски лакрдии
Деца	Илина Чоревска (ќерка)
Родители	Трајко Чоревски Ратка Чоревска
Роднини	Благоја Чоревски (брат)

Борис Чоревски (роден во Скопје, 15 септември 1949)^[1] — македонски филмски и театарски глумец, член на Народниот театар во Битола од 1975 година,^[2] па сè до неговото пензионирање во 2016 година. Продолжува да биде активен и по пензионирањето. Од тогаш до сега одиграл повеќе од 150 улоги.

Животопис

Борис Чоревски е роден во Скопје на 15 септември 1949 година. Основно и средно образование завршил во Битола, а дипломирал на Факултетот за драмски уметности во Скопје на отсекот за глумечка игра. На сцената на Народниот театар од Битола настапувал од раната младост, статирајќи и играјќи епизодни улоги. Како младинец ја освоил наградата за најдобра машка улога за ликот на Хенри во претставата „Незакопани мртовци“ од Жан Пол Сартр на Сојузниот натпревар на аматерите од поранешна СФР Југославија во Хвар. По дипломирањето во 1975 година се вработил во Народниот театар во Битола каде остварил преку 100 улоги. Гостувал и во театрите во Прилеп, Штип, Струмица, како и во Македонски народен театар и Драмски театар. Бил и водител на емисиите „Битола во вашата младост“ и „Чоре Топ Хит“ на Тера Телевизија, како и на Македонската радио-телевизија.

Творештво

Во својот глумечки живот остварил повеќе од 100 театарски улоги, како и редица филмски улоги.

Има остварено над 20 филмски улоги и 15 телевизиски серии. Има остварено главна улога во филмовите Трговецот од Солун на Душан Наумовски, Црвениот коњ на Столе Попов, Прва вечер на Димитрие Османли, Јавачи на ветрот, Прашина и Мајки на Милчо Манчевски. Играл и во сериите: Илинден, Девојките на Марко на Димитар Христов, Битолски лакрдии, Втора смена, Големи и мали, Трето па машко на Душан Наумовски, Црвениот поет. Учествувал и во турските серии кој се снимени во Македонија, Збогум, Румелија и Минатото лето на Балканот во режија на Сердар Акар.

Поважни театарски улоги^[2]

Година	Улога	Претстава	Автор
1976	Вук	Јелена Ќетковиќ	Александар Поповиќ
1978	Ѓока	Сомнително лице	Бранислав Нушиќ
1978	Никола Карев	Окрвавен камен	Васил Иљоски
1978	Даскалот	Суд	Коле Чашуле
1983	Малвоилио	Ноќ спроти Водици	Вилијам Шекспир
1984	Киро	Лет во место	Горан Стефановски
1986	Версилов	Младич	Достоевски
1986	Осман-бег	Македонска крвава свадба	Војдан Чернодрински
1996		Одам на лов	Љубиша Георгиевски
1997	Ајгеј	Медеја	Еврипид
1997	Дон Жуан	Дон Жуан се враќа дома	Еден фон Хорват
1998	Владимир	Чекајќи го Годо	Семјуел Бекет
1998	Таткото	Мачка на вжештениот покрив	Тенеси Вилијамс
2000	Јордан	Печалбари	Антон Панов
2000	Прохор Железнов	Васа Железнова	Максим Горки
2001	Трајко попот	Црквичето 40 маченици	Владимир Костов
2002	Јонче	Писание	Живко Чинго
2003	Капулети	Ромео и Јулија	Вилијам Шекспир
2011	Барон Минхаузен	Минхаузен	Григориј Горин
2011	Пијаницата	Обична приказна	Марина Ладо
2015		Божествена комедија
2015		Тајното оружје
2016	Тоде	Јане Задрогаз	Горан Стефановски
2019	Детето	Детето сонува	Ханох Левин

Филмографија

Година	Филм	Улога
1971	Македонскиот дел од пеколот ТВ-филм
1973	Смилевскиот конгрес ТВ-филм	/
1975	Јад ТВ-филм	/
1975	Прва вечер ТВ-филм	Климе
1976	Најдолгиот пат ТВ-филм	Сеиз
1977	Пресуда ТВ-филм
1979	Жена од малтер ТВ-филм	/
1980	Оловна бригада ТВ-филм
1980	Учителот ТВ-филм	/
1981	Црвениот коњ ТВ-филм	/
1982	Илинден ТВ-серија	Миле
1982	Јавачи на ветрот ТВ-филм	/
1983	Црвениот коњ ТВ-филм	/
1985	Трговецот од Солун ТВ-филм	Сулејман-бег
1986	Среќна нова '49 ТВ-филм
1987	Ѕвездите на 42-та ТВ-филм	/
1987	Девојките на Марко ТВ-серија	/
1988	Втора смена ТВ-серија	Милиционерот
1991	Поштар ТВ-филм
1992	Тврдокорни ТВ-серија
1994	Пред дождот ТВ-филм
1994	Прекалени ТВ-серија	Григор Прличев - возрасен
1995	Ангели на отпад ТВ-филм	Мино Маткалиев
1999-2001	Во светот на бајките ТВ-серија
2000	Погрешно време ТВ-серија
2000	Големи и мали ТВ-серија	Милан
2001	Македонска емиграција ТВ-филм	/
2001	Прашина ТВ-филм	Стрелец
2002	Наше маало ТВ-серија	Петар
2003	Битолски лакрдии ТВ-серија	/
2007	Сенки ТВ-филм	Стамат
2007-2009	Збогум Румелија ТВ-серија	Џамбо
2008-2009	Македонски народни приказни ТВ-серија
2010	Мајки ТВ-филм	Батерија
2011	Трето па машко ТВ-серија	Тихомир Цветко
2012	Трето полувреме ТВ-филм
2012	Минатото лето на Балканот ТВ-серија	Командирот
2013	Тврдокорни ТВ-серија	Јаким
2014	До балчак ТВ-филм
2015-2016	Големото прогонство во Кавкасија
2016	Ослободување на Скопје ТВ-филм	Златарот
2018	Година на мајмунот ТВ-филм	Комшија 1
2022	Кајмак ТВ-филм
2024	Црвениот поет ТВ-серија	Господин Колендиќ

Награди и признанија

• Награда „4 Ноември“ доделена од страна на Општина Битола^[2]
• Најдобро глумечко остварување на МТФ „Војдан Чернодрински“ (двапати)^[2]
• „Екран“ (двапати)^[2]
• 2011 - Награда „Петре Прличко“
• Награда „11 Октомври“
• 2011 - Награда „Ристо Шишков“
• 2021 - Награда за животно дело на 55. Македонски театарски Фестивал „Војдан Чернодрински“^[3]
• 2024 - Награда „4 Ноември“ за животно дело^[4]

Наводи

1. Борис Чоревски на мрежното место на ИМДб
2. Значајни личности за Битола, 2007
3. „БОРИС ЧОРЕВСКИ, РУБЕН И ЏИДРОВ ДОБИТНИЦИ НА НАГРАДИТЕ ЗА ЖИВОТНО ДЕЛО НА ТЕАТАРСКИОТ ФЕСТИВАЛ „ВОЈДАН ЧЕРНОДРИНСКИ"“. 23 септември 2021. Посетено на 4 декември 2021.
4. „АКТЕРОТ БОРИС ЧОРЕВСКИ, ДОАЈЕН НА БИТОЛСКОТ ТЕАТАР, ЈА ДОБИ НАГРАДАТА „4 НОЕМВРИ" ЗА ЖИВОТНО ДЕЛО“. СДК. 30.10.2024. Посетено на 31 октомври 2024.

Надворешни врски

• Борис Чоревски на Семрежната филмска база на податоци (англиски)