Ношак

Ношак
نوشاخ
Највисока точка
Надм. вис.	7.492 м
Истакнатост	2.024 м
Координати	36°25′54″N 71°49′42″E
Географија
Ношак на карта
Место	авганистанаско-пакистанска граница
Земја	Авганистан, Пакистан
Покраини	Бадахшан, Авганистан Хајбер Пахтунхва, Пакистан
Матичен венец	Хиндукуш
Искачување
Прво освојување	1960 г. од Тошијаки Сакај и Горо Ивацубо (Јапонија)
Најлесен пат	искачување по ледник/снег

Ношак (дари: نوشاخ) — највисока планина во Авганистан и втора по висина од венецот Хиндукуш со 7.492 м (највисок е Тиричмир). Лежи на границата помеѓу Авганистан и Пакистан. Северната и западната страна на планината се во Авганистан (неговиот северисточен агол), а јужната и источната во Пакистан. Ова е најзападниот врв на светот повисок од 7.000 метри. Најлесниот пристап за искачување е од Вахан во Авганистан.

Историја на искачување

Главниот дел на Ношак е првпат освоен од јапонска експедиција во 1960 г. под водство на Јаџиро Сакато^[1][2] заедно со колегите Горо Ивацубо и Тошијаки Сакај. Ова искачување го следело вообичаениот авганистански приод — западниот срт од ледникот Казидех.

Источниот, средишниот и западниот дел се првпат искачени во 1963 г. од австриските планинари Гералд Грубер и Рудолф Пишенгер.

Академскиот високогорски клуб од Инсбрук, Австрија го извел првиот скијачки спуст од Ношак во 1970 г.^[3] Во екипата бил и познатиот метеоролог Карл Габл.^[4]

Првото зимско искачување е направено на 13 февруари 1973 г. од Тадеуш Пјотрувски и Анджеј Завада од Полска, изведено од северната страна. Ова било првото зимско искачување во светот на врв повисок од 7.000 метри. Досега останува единственото зимско осовојување на оваа планина.^[5]

Поврзано

• Дјурандова линија
• Географија на Авганистан

Наводи

1. Japanese team
2. „The HJ/22/19 ASCENT OF NOSHAQ“. The HJ/22/19 ASCENT OF NOSHAQ. Посетено на 8 септември 2023.
3. America Alpine Journal: Noshaq Ski Expedition
4. Ulrich Schwabe: Noshaq on skis
5. „Asia, Pakistani-Afghan Frontier Area, Noshaq, First Winter Ascent“. American Alpine Club. 1974.

Надворешни врски

• Ношак на Ризницата ^?
• Ношак на Summitpost (англиски)
• Ношак на Peakbagger (англиски)