Киша (Вешала)

„Киша“
Местоположба	42°3′38″N 20°50′48″E
Основни податоци
Место	Вешала
Општина	Тетово
Тип	некропола
Период	непознат период
Портал „Археологија“

Киша — археолошко наоѓалиште, т.е. некропола во тетовското село Вешала. Наоѓалиштето е сместено во близина на селото на истоименото место.^[1] Името доаѓа од албанскиот збор Kisha, што значи црква. За првпат ова наоѓалиште било отркриено во 1982 година при изградбата на локалниот пат Вешала — Бозовце^[2]. Тогаш биле откриени гробови со камени плочи со дебелина од 8 до 10 сантиметри. Бидејќи на нив немало никакви натписи, без претходно да се направат археолошки и антрополошки истражувања не можело да се потврди од кога потекнуваат и кој ги направил. При повторно проширување на истиот пат, во 2007 година, багерите на градежната фирма наишле на камени плочи и скелети. Поради немање на финансиски средства, Музејот на тетовскиот крај не бил во можност да врши понатамошни испитувања^[2]. Камените гробови се од типот циста и се направени од неклесани камени плочи кои се наредени во редови.^[2]

Наводи

1. Trifunovski, Jovan F. (1976). Polog (Etudes Anthropogeographiques) (1. изд.). Belgrad: Academie Serbe des Sciences et des Art.
2. И.Ц. (24 август 2007). „ПО ОТКОПУВАЊЕТО НА ГРОБНИЦА ВО ТЕТОВСКО -Гробовите во Вешала се' уште мистерија“. Дневник. Посетено на 2010-11-06.^{[мртва врска]}

Надворешни врски

• Изградбата на патот Вешала -Бозовце откопа стари гробишта Архивирано на 4 март 2016 г. - Телевизија Кисс