Бостон (музичка група)

Бостон
Оригиналната постава на Бостон (1977)
Животописни податоци
Потекло	Бостон, Масачусетс, САД
Жанрови	Рок, хард рок
Период на активност	1976–сѐ уште
Издавачи	Епик, MCA, Артемис
Соработници	Космо, Ernie and the Automatics, Orion the Hunter, Return to Zero, Стрипер
Мреж. место	bandboston.com
Членови
Том Шолц Гери Пил Карли Смит Кимберли Дам Џеф Нил Томи Декарло Дејвид Виктор Трејси Фери
Поранешни членови
Бред Делп Џим Масдеа Френ Шинан Сиб Хасијан Бери Годру Дејвид Сајкс Дог Хуфман Фран Космо Ентони КОсмо Ентони Ситринит Том Хембриџ Мајкл Свит

Бостон е музичка рок група од истоимениот град во сојузната држава Масачусетс, САД. Својата најголема популарност ја доживеале во текот на 70-тите и 80-тие години од минатиот век. Тие ги искомпонирале едни од најпознатите рок нумери како „More Than a Feeling“, „Peace of Mind“ и „Rock and Roll Band“. Нивниот прв студиски албум Boston со продадени 17 милиони примероци е вториот најпродаван деби албум во музичката историја, веднаш позади Appetite for Destruction од Guns N' Roses.^[1]

Гитаристот Том Шолц ги имал напишано песните од првиот албум пред да биде основан бендот, а откако демо снимките ги преслушале првите луѓе од Епик Рекордс, групата веднаш била потпишана. По издавањето на плочата била направена турнеја низ САД, на која Бостон била предгрупа на тогаш докажаните бендови како Блек Сабат, Блу Ојстер Калт и Foghat помеѓу другите. Во 1977 година биле номинирани за Греми во категоријата „Најдобар нов музички артист“, но не ја освоиле наградата.

Вториот студиски диск Don't Look Back бил издаден во 1978 година, но не забележал комерцијален успех како неговиот претходник. Составот бил незадоволен од крајниот производ бидејќи чувствувале дека целата работа била избрзана. И покрај ова, сингловите од албумот доживеале солиден пласман на табелите ширум светот.

Поради недоразбирањата со продуцентската куќа околу авторските права за претстојните музички изданија на бендот, членовите на Бостон продолжиле со соло кариери кои немале некој позначаен успех. Во текот на 80-тите и 90-тите групата издала уште две плочи со нови песни, како и една компилација со најголемите нивни хитови.

Во 2007 година силно одекнала веста за самоубиството на фронтменот Делп во неговиот дом во Њу Хемпшир. Бред бил сметан за тивок човек со пријатен карактер и неговото самоубиство не било навестено со ниедна негова постапка. И покрај ова непријатно искуство, новиот албум на овој рок состав се очекува да излезе во 2013 година, и според зборовите на угледни музички новинари најголемиот дел од песните ќе бидат испеани од покојниот Делп.

Жанровски погледнато, Бостон свират хард рок со елементи на прогресивен рок. Пејачот Бред Делп е познат по неговиот широк вокален дијапазон, кој најдобро се забележува во песната „More Than a Feeling“. Според изјавите на самите членови, Битлс најмногу влијаеле во оформувањето на нивниот музички стил и правец. Интересни се и омотите од нивните студиски изданија, кои прикажуваат вселенски летала во кои е сместен градот Бостон.

Дискографија

Година	Албум	САД[2]	Велика Британија[3]	Уверение за тираж (САД)[4]	Уверение за тираж (Велика Британија)[5]
1976	Boston	3	11	17× Платинест	Златен
1978	Don't Look Back	1	9	7× Платинест	Сребрен
1986	Third Stage	1	37	4× Платинест	—
1994	Walk On	7	56	Платинест	—
2002	Corporate America	42	-	—	—
2013	TBA 2013	-	-	—	—

Наводи

1. „Biography“. NME. UK. Посетено на 16 август 2009.
2. „Boston“. AllMusic. Посетено на 19 февруари 2012.
3. everyHit.com search results
4. „Recording Industry Association of America“. RIAA. Посетено на 19 февруари 2012.
5. „Home“. BPI. Посетено на 19 февруари 2012.

Надворешни врски

• Официјален портал