Inverun

Inverun ò anca Invrugn (Inveruno) l'è on comun del Milanes con 8 604 abitant. El se troeuva a nòrd-òvest del capploeugh, vers la Provincia de Vares e quella de Novara. El comun el gh'ha domaa ona frazion, var a dì Furaa.

Stòria

I origin celtich de quell comun chì pòrten al period precedent a l'instaurazion definitiva del domini roman (intorna al II secol prima de Crist): el territòri d'incoeu l'è staa probabilment abitaa de popolazion gallich che aveven traversaa i Alp. Del period de la dominazion romana e de quell che l'è vegnuu subit dòpo resten domà pòcch testimonianz: de Inverun se fa menzion per la prima vòlta in d'on document scritt del VIII secol. In del XIII secol el sò territòri el someja vess de ona banda sòtta la giurisdizion del Capitol de Sant Ambroeus de Milan e de l'altra sòtta el domini de la famiglia Crivei.

In quell temp chì l'è stada anca sede d'on monastee d'on ordin religios e la faseva part de la Piev de Dairagh.

In del 1518 el re frances Francesch I, reggent de Milan, l'ha concess el territòri de Inverun e quij intorna ad Arconaa in feud a la famiglia di Arconaa, che in de la zòna la gh'aveva giamò alter insediament rurai. In del 1604 l'è stada completada la gesa parrochial. In del 1652 el feud de Inverun l'è passaa al Giovann Battista Lossett, on capitan de ventura che 'l vegniva de Vogògna, che 'l n'ha ciappaa el possess in d'on moeud solenn. Duranta la dominazion spagnoeula l'è rivaa el cult religios de Santa Teresa d'Ávila, celebrada anca al dì d'incoeu 'me patròna, el 15 ottober, insema al tradizional San Martin de Tours (celebraa el 11 november).

Duranta la Segonda Guerra d'Indipendenza a Inverun gh'è staa di sconter relativ a la pussee famosa Battaglia de Magenta, con la differenza che chì hinn staa vinciuu de l'esercit austriach.

Evoluzion demografega

L'andament del numer di abitant del comun de Inverun l'è mostraa in la tabella chi de sotta:

Abitant censid

Inverun

Stòria

Evoluzion demografega

Content Disclaimer