Mauritius , vulgo Maurice Couve de Murville (Durocortori natus die 24 Ianuarii 1907 ; mortuus Lutetiae die 24 Decembris 1999 ) fuit vir publicus Francicus .
Ministri rerum externarum Antonius Segni (ad sinistram), Selwyn Lloyd , Iosephus Luns , Mauritius Couve de Murville, Petrus Wigny , Eugenius Schaus , Henricus de Brentano Hagae Comitum die 16 Iunii 1960 colloquentes Proles mercatorum Massiliensium , Lutetiae apud lyceum Ludovici Magni educatus, alumnus fuerit tam facultatis iurum universitatis Parisiensis quam scholae liberae scientiarum politicarum . Inspector vectigalium annis 1930 et iuxta regimen Vippiacense operam dedit, quo anno 1943 relicto ad Franciam liberam se iunxit. Sub quinta re publica , praeside Carolo de Gaulle , a die 1 Iunii 1958 ad usque 30 Maii 1968 minister rerum externarum, deinde brevissime minister a vectigalibus, denuo a die 10 Iulii 1968 usque ad 20 Iunii 1969 primus minister meruit. Legatus est conventui nationali a die 11 Martii 1973 ad 1 Aprilis 1986 . Ab hoc anno usque in 1995 senator fuit pro praefectura urbis Lutetiae.
Bibliographia
Jean-Philippe de Garate, Couve de Murville: Un président impossible . Lutetiae: L'Harmattan, 2007
Benoît Yvert, ed., Premiers ministres et présidents du Conseil. Histoire et dictionnaire raisonné des chefs du gouvernements en France (1815-2007) . Lutetiae: Perrin, 2007
Nexus externi
Primi ministri Franciae 1959–
Ministri rerum externarum Francici 1959–
Ministri vectigalium et rerum oeconomicarum Francici 1959–
.jpg)
