Florina fuit usque ad annum 2010 una e quattuor praefecturis (sive nomis) regionis (περιφέρεια) Macedoniae Occidentalis, cuius caput erat urbsFlorina. Reformatione administrativa anni 2010 (vide: Libellus Callicratis) praefecturae iura ad regionem Macedoniam Occidentalem et ad demos, quorum numerus coagmentatione valde minutus est, delata sunt. Territorium autem praefecturae nomine "Regionali Florinae Unitate" permanet, quae novem legatos in consilium regionale mittit, praeterea autem vi politica caret.
