Ермек Боранбайұлы Маржықпаев

Ермек Боранбайұлы Маржықпаев
Маржықпаев, 2023 жыл
Лауазымы
Ту Қазақстан премьер-министрінің кеңесшісі Ту
23 қыркүйек 2024 жылдан бастап
Премьер-Министр	Олжас Бектенов
Ту Туризм және спорт министрі Ту
2 қыркүйек 2023 — 31 тамыз 2024
Президент	Қасым-Жомарт Тоқаев
Премьер-Министр	Әлихан Смайылов Олжас Бектенов
Ізашары	лауазымы құрылды, Мәдениет және спорт министрі ретінде Асхат Оралов
Ізбасары	Ербол Мырзабосынов
Ту Ақмола облысының 12-әкімі Ту
19 наурыз 2019 — 2 қыркүйек 2023
Ізашары	Мәлік Мырзалин
Ізбасары	Марат Ахметжанов
Ту Көкшетаудың 14-әкімі Ту
6 қаңтар 2015 — наурыз 2019
Ізашары	Жомарт Нұрғалиев
Ізбасары	Амангелді Смайылов
Өмірбаяны
Білімі	1) Қазақ агротехникалық университеті (1994) 2) Тұран (2001) 3) Көкшетау мемлекеттік университеті (2009)
Мамандығы	1) тарих пәнінің мұғалімі (1994) 2) заңгер (2001) 3) қаржыгер (бакалавриат, 2009)
Дүниеге келуі	29 тамыз 1969 (1969-08-29) (55 жас) Целиноград, Қазақ КСР, КСРО
Балалары	2 қызы бар[1]
Қызмет еткен жылдары	1988–1989
Құрамында болды	КСРО
Әскер түрі	Кеңестік армия
Марапаттары	Құрмет ордені
өңдеу

Ермек Боранбайұлы Маржықпаев (29 тамыз 1969 жыл, Целиноград) — қазақстандық мемлекеттік қайраткер, бокстан спорт шебері және 2024 жылғы қыркүйектен бастап Премьер-Министрдің кеңесшісі.^[2]

Маржықпаев Көкшетаудың (2015–2019), Ақмола облысының (2019–2023) бұрынғы әкімі және Қазақстанның Туризм және спорт министрі (2023-2024) болғаны үшін белгілі.^[3]

Өмірбаяны

Білімі және әскери қызметі

1988–1989 жылдары аралығында Маржықпаев Кеңестік армия құрамында болған. Маржықпаев үш түрлі мамандық бойынша оқыған:^[1]

• Целиноград мемлекеттік педагогикалық институтын (1994) тарих пәнінің мұғалімі мамандығы бойынша бітірген.
• Тұран университетін (2001) заңгер мамандығы бойынша бітірген.
• Көкшетау мемлекеттік университетін (2009) қаржыгер бакалавры мамандығы бойынша бітірген.

Спорттағы мансабы

Белгісіз жылдары Маржықпаев Ақмола бокс федерациясының вице-президенті болған.^[1] Ермек Маржықпаевтың бокстан спорт шебері атағы бар.^[4]

Мансабы

Ермек Маржықпаев өз мансабын 1991–1993 жылдары Целиноград қаласындағы мектептерде бокстан жаттықтырушы болып бастаған.^[1] Өзге дереккөздерде оның Ақмола облысындағы Бурабай кентінің орта мектебінде оқытқаны айтылған.^[5] 1992–1995 жылдары ол оған қоса «Шонай» шағын кәсіпкерорнының директоры болған. 1995 жылдан 2008 жылға дейін Маржықпаев «Береке-Бурабай» ЖШС-нің бас директоры болды.

Саяси мансабын Маржықпаев 2007–2009 жылдары аралығында Ақмола облыстық мәслихаты 4-шақырылымының депутаты ретінде бастады. 2008 жылы ол Аршалы ауданының әкімі болып тағайындалды, бұл қызметін ол 2012 жылға дейін жалғастырды. Бұдан кейін, 2013 жылға дейін ол Зеренді ауданының әкімі болды.^[1]

2013–2014 жылдары Маржықпаев Ақмола облысының әкімі Қосман Айтмұхаметовтың құрылыс, тұрғын үй-коммуналдық шаруашылық және автомобиль жолдары мәселелері бойынша^[1] орынбасары болып жұмыс істеген. 2015 жылы ол Көкшетау қаласының 14-әкімі болып тағайындалды, бұл қызметін ол 2019 жылы аяқтады.

Ақмола облысының әкімі

2019 жылғы 19 наурызда Маржықпаев Ақмола облысының әкімі болып тағайындалды.^[6]

2022 жылғы сәуірде орын алған және Маржықпаев қатысқан Аманат партиясы Ақмола облыстық филиалының отырысында партияның сайлауалды бағдарламасында айтылған уәделердің 96% орындалғаны белгілі болды. Маржықпаев бұл нәтиженің тағы өсуін қолдады.^[7]

Туризм және спорт министрі

Маржықпаевтың Туризм және спорт министрі лауазым кандидатурасына Мәжілістің келісім беруі, 2023 жылғы 2 қыркүйек

2023 жылғы 2 қыркүйекте, Мәжілістің келісімімен^[8] және президент Тоқаевтың жарлығымен Ермек Маржықпаев Туризм және спорт министрі лауазымына тағайындалды.^[5] Тоқаевтың бұл жарлығымен ол бұрын атқарған лауазымдарынан босатылды.^[9]

2024 жылғы сәуірде Маржықпаев 2024 жылғы Жазғы Олимпиада ойындарындағы Қазақстан құрамасының нашар жағдайда болғанын мойындады.^[10]

2024 жылғы 31 тамызда Тоқаев жарлығы бойынша Маржықпаев Туризм және спорт министрі лауазымынан айырылды.^[11]

Премьер-Министр кеңесшісі

2024 жылы 23 қыркүйекте Премьер-Министрдің өкімімен Ермек Маржықпаев Премьер-Министр кеңесшісі болып тағайындалды.^[2]

Сын

«Тролльдермен» күресі

Ақмола облысының әкімі болған Маржықпаевтың «тролльдермен күрес» үшін 10 миллион теңге бөлгені белгілі. Бұл жайлы баяндаған ProTenge баспасының оқырмандары оны осы ұсынысы үшін «салық төлеушілерінің ақшасын ең мәнсіз жұмасаған» шенеунік деп те атады. Тролльдер қатарына бұрынғы әкім өзі жайлы жағымсыз сөз жазған азаматтарды да қосып алғандай көрінді.^[12]

Өз өмірі

2023 жылғы ақпанда әуесқой журналист Асхат Ниязовқа берген сұхбатында Маржықпаев өзінің отбасында 5 аға-іні және 3 әпке-қарындасының бар екенін айтып кеткен. Сол сұхбатта Маржықпаевтың Құрманова тегі бар әйелінің агро-бизнесі бар екені белгілі болды.^[13] Ермек Маржықпаев пен әйелі Құрманованың екі қызы бар.^[1]

Марапаттары

• «Ақмола облысының ең үздік кәсіпкері» (2001, 2004);^[14]
• Қазақстан Республикасының тәуелсіздігіне 10 жыл медалі (2001);
• «Қазақстан Республикасының ең үздік жыл кәсіпкері» (2002);^[14]
• Ерен еңбегі үшін медалі (2004);
• Қазақстан Конституциясына 10 жыл медалі (2005);
• Астанаға 10 жыл медалі (2008);
• Қазақстан Республикасының тәуелсіздігіне 20 жыл медалі (2011);
• Құрмет ордені (2011);

Дереккөздер

1. Маржикпаев Ермек Боранбаевич  (орыс.). online.zakon.kz. Тексерілді, 18 қыркүйек 2023.
2. Ермек Маржықпаев жаңа қызметке тағайындалды  (қаз.). inbusiness.kz (23 қыркүйек 2024). Тексерілді, 23 қыркүйек 2024.
3. Ермек Маржықпаев министр лауазымынан босатылды  (қаз.). el.kz (31 тамыз 2024). Тексерілді, 31 тамыз 2024.
4. БАЙДІЛДӘ, Жандос Маржықпаев — боксшы, Тоғжанов — дзюдошы  (қаз.). Азаттық рухы (3 желтоқсан 2019). Тексерілді, 18 қыркүйек 2023.
5. Туризм және спорт министрі  (қаз.). Қазақстан премьер-министрінің ресми сайты (2 қыркүйек 2023). Тексерілді, 18 қыркүйек 2023.
6. Е.Б. Маржықпаевты Ақмола облысының әкімі қызметіне тағайындау туралы  (қаз.). Қазақстан президентінің ресми сайты (19 мамыр 2019). Тексерілді, 17 қыркүйек 2023.
7. Ермек Маржикбаев поручил не сбавлять темпы по реализации предвыборной программы партии AMANAT  (орыс.). liter.kz (15 марта 2022). Тексерілді, 17 қыркүйек 2023.
8. Мәжіліс Туризм және спорт министрінің кандидатурасына келісім берді  (қаз.). Мәжілістің ресми сайты (2 қыркүйек 2023). Тексерілді, 18 қыркүйек 2023.
9. Е.Б. Маржықпаев туралы  (қаз.). Қазақстан президентінің ресми сайты (2 қыркүйек 2023). Тексерілді, 18 қыркүйек 2023.
10. Париж-2024: Маржықпаев Қазақстан құрамасының жағдайы мәз емес екенін айтты  (қаз.). zhasalash.kz (18 сәуір 2024). Тексерілді, 24 қыркүйек 2024.
11. [https//www.akorda.kz/kz/memleket-basshysynyn-zharlygymen-ermek-boranbayuly-marzhykpaev-kazakstan-respublikasynyn-turizm-zhane-sport-ministri-lauazymynan-bosatyldy-3174550 Мемлекет басшысының Жарлығымен Ермек Боранбайұлы Маржықпаев Қазақстан Республикасының Туризм және спорт министрі лауазымынан босатылды]  (қаз.). Қазақстан президентінің ресми сайты (31 тамыз 2024). Тексерілді, 31 тамыз 2024.
12. Новый министр туризма и спорта Маржикпаев хотел потратить Т10 млн на «борьбу с троллями»  (орыс.). kaztag.kz (2 сентября 2023). Тексерілді, 31 тамыз 2024.
13. Кокшетау и аким Акмолинской области Ермек Маржикпаев. YouTube сайтында
14. «Ақмола облысы» энциклопедиясы