სომხეთის ადმინისტრაციული დაყოფა

სომხეთი დაყოფილია თერთმეტ ადმინისტრაციულ დანაყოფად. მათგან ათი პროვინციაა, რომელთაც სომხურად მარზი ჰქვია, რაც თავად წარმოებულია სპარსული სიტყვისგან mærz, რომელიც „საზღვარს“ აღნიშნავს. ერევანი ცალკეა გამოყოფილი და როგორც ქვეყნის დედაქალაქს მინიჭებული აქვს განსაკუთრებული სტატუსი. ათი მარზის აღმასრულებლებს მარზპეტები ეწოდებათ (შუა სპარსული marzbod-იდან, რაც „საზღვრის გამგებელს“ ნიშნავს). მათ სომხეთის მთავრობა ნიშნავს. ერევნის მთავარი აღმასრულებელი მერია, რომელსაც პრეზიდენტი ნიშნავს.

ადმინისტრაციული დაყოფა

ქვემოთ მოცემულია სომხეთის პროვინციები სტატისტიკური მონაცემებით:

ლორე

მარზი	მშობლიური სახელწოდება	ფართობი, კმ²	მოსახლეობა (2011)	ადმ. ცენტრი
არაგაწოტნი	Արագածոտն	2,756	132,925	აშტარაკი
არარატი	Արարատ	2,090	260,367	არტაშატი
არმავირი	Արմավիր	1,242	265,770	არმავირი
გეღარქუნიქი	Գեղարքունիք	5,349	235,075	გავარი
ვაიოცძორი	Վայոց Ձոր	2,308	52,324	ეღეგნაძორი
კოტაიქი	Կոտայք	2,086	254,397	რაზდანი
ლორე	Լոռի	3,799	235,537	ვანაძორი
სივნიეთი	Սյունիք	4,506	141,771	კაპანი
ტავუში	Տավուշ	2,704	128,609	იჯევანი
შირაკი	Շիրակ	2,680	251,941	გიუმრი

თემები

თითოეული პროვინცია შედგება თემებისგან (hamaynkner, მხოლობითში hamaynkn). თითოეულ თემში თვითმმართველობაა და ერთი ან რამდენიმე დასახლება (bnakavayr). დასახლებები კლასიფიცირებულია, როგორც ქალაქის (kaghak) ტიპის ან სოფლის (gyugh) ტიპის. 2018 წლის მონაცემებით, სომხეთში 503 თემია, აქედან 46 ურბანული, და 457 სასოფლო. დედაქალაქს, ერევანს, ასევე თემის სტატუსი აქვს.^[1] დამატებით, ერევანი დაყოფილია თორმეტ ნახევრად ავტონომიურ უბნად.