ალ-მუნზირი (არაბ. المنذر; დ. 842/844 — გ. 888) — კორდოვის საამიროს მეექვსე ომაიანი ამირა, რომელიც ალ-ანდალუსიას 886-888 წლებში მართავდა. მისი წინამორბედის, მუჰამად I-ის ვაჟი.
დაიბადა კორდოვაში. მამამისის მეფობის დროს ხელმძღვანელობდა სამხედრო ოპერაციებს ქრისტიანი მეზობლებისა და აჯანყებული მულადების წინააღმდეგ. ტახტზე ავიდა 886 წელს, მამის გარდაცვალების შემდეგ. განაგრძობდა ბრძოლას აჯანყებული უმარ იბნ-ჰაფსუნის წინააღმდეგ. გარდაიცვალა 888 წელს ორწლიანი მმართველობის შემდეგ. ზოგიერთი ვერსიით მოკლა ძმამ, აბდ ალ-ალაჰმა, რომელიც მის შემდეგ ავიდა ტახტზე.
ლიტერატურა
- Altamira, Rafael (1999). "Il califfato occidentale". Storia del mondo medievale II. pp. 477–515.
