გლორიოსი (კუნძულები)

გლორიოსი

მშობ. სახელი: ფრანგ. Îles Glorieuses
კუნძულების რუკა
გეოგრაფია
მდებარეობა	ინდოეთის ოკეანე
კოორდინატები	11°30′00″ ს. გ. 47°20′00″ ა. გ.
კუნძულთა რაოდენობა	5
მთავარი კუნძული	გრანდ-გლორიოსი
ფართობი	5 კმ²
უმაღლესი წერტილი	12 მ
საფრანგეთი
საფრანგეთის ზღვისიქითა ტერიტორიები	საფრანგეთის სამხრეთული და ანტარქტიდული ტერიტორია
დემოგრაფია
მოსახლეობა	დაუსახლებელი (2015)

გლორიოსი (ფრანგ. Îles Glorieuses ასევე Archipel des Glorieuses) — პატარა კუნძულების ჯგუფი ინდოეთის ოკეანეში. გეოგრაფიულად ეკუთვნის კომორის არქიპელაგს.

საფრანგეთმა ის ჩართო საფრანგეთის ზღვისიქითა ტერიტორიების, საფრანგეთის სამხრეთული და ანტარქტიდული ტერიტორიის ეპარსეს კუნძულების შემადგენლობაში. მასზე პრეტენზიას აცხადებს მადაგასკარი.

გეოგრაფია

კუნძულები მდებარეობს ინდოეთის ოკეანეში, 115 კმ-ით ჩრდილო-დასავლეთით მადაგასკარის სანაპიროდან. საერთო ფართობია — 5 კმ². ლაგუნის ფართობია — 29,6 კმ². განსაკუთრებული ეკონომიკური ზონის ფართობია — 48 350 კმ².

არქიპელაგი შედგება ორი მარჯნის კუნძულისაგან:

• გრანდ-გლორიოსი (Grande Glorieuse) 11°34′46″ ს. გ. 47°17′54″ ა. გ.
• ილ-დუ-ლისი (Île du Lys) 11°30′59″ ს. გ. 47°22′36″ ა. გ.

ასევე რამდენიმე მომცრო კუნძულებისაგან:

• Wreck Rock 11°30′45″ ს. გ. 47°22′54″ ა. გ.
• South Rock 11°35′43″ ს. გ. 47°18′06″ ა. გ.
• Verte Rocks 11°34′15″ ს. გ. 47°19′54″ ა. გ.
• სამი უსახელო კუნძული

კუნძულები სწორი და ვაკეა, ზღვის დონიდან მაქსიმალური სიმაღლით 12 მეტრი და შემოფარგლულია ვრცელი მთლიანი მარჯნის რიფით. გრანდ-გლორიოსი დაფარულია ხშირი ტყით და გარშემორტყმულია თეთრი ქვიშით. ის თითქმის იდეალურად მრგვალია, რომლის დიამეტრი შეადგენს დაახლოებით 2,5 კმ-ს. ილ-დუ-ლისი დაფარულია შედარებით ნაკლები რაოდენობის მცენარეულობით და შედგება კლდეებისაგან, ქვიშიანი დიუნებისგან და მანგროს მცენარეულობისაგან. მას მოგრძო ფორმა აქვს, დაახლოებით 600 მეტრი და შეუძლია დაიტიოს ბევრი ზღვის ფრინველი და კუ.

ლაგუნა მდებარეობს ჩაღრმავებულ ადგილას და ნაწილობრივ მშრალია. კლიმატი ტროპიკულია, რაც ხელს უწყობს მარადმწვანე მცენარეების არსებობას. საშუალო ტემპერატურა მერყეობს დაახლოებით 28 °C-ის ფარგლებში, ტენიანობა 81 %-დან 84 %-მდე. კუნძულები ზოგჯერ განიცდიან ტროპიკული ციკლონების ზემოქმედებას.^[1]საფრანგეთის უცხოური ლეგიონი

გლორიოსის კუნძულებზე მდებარეობს საფრანგეთის უცხოური ლეგიონის მცირე შეიარაღებული ძალები თვითმფრინავებისთვის გრუნტიანი ასაფრენ დასაჯდომი ზოლით, მეტეოსადგურით და რადიოსადგურით. ბაზა ასევე ემსახურება ბუნების მკვლევარ მეცნიერებს.

ეკონომიკა

ეკონომიკურად აქტიური არ არის.

რესურსები ინტერნეტში

• About.com.: Geogrephy დაარქივებული 2010-12-05 საიტზე Wayback Machine.
• Holothuriens et autres échinodermes des Îles Glorieuses (Îles Éparses de l’océan Indien), T. Mulochau et C. Conand. Bulletin d’information « SPC Beche de Mer » n° 28. Rapport de recherche pour l'Agence nationale pour la recherche, publié par le Secrétariat général de la Communauté du Pacifique, octobre 2008. (ინგლისური)
• L'Archipel des Glorieuses დაარქივებული 2016-03-03 საიტზე Wayback Machine. sur le site officiel des TAAF

სქოლიო

1. Îles Glorieuses დაარქივებული 2016-03-03 საიტზე Wayback Machine. auf der Seite der TAAF (Französisch)