1611

Ár

1608 1609 1610 – 1611 – 1612 1613 1614

Áratugir

1601-1610 – 1611-1620 – 1621-1630

Aldir

16. öldin – 17. öldin – 18. öldin

Árið 1611 (MDCXI í rómverskum tölum) var ellefta ár 17. aldar og hófst á laugardegi samkvæmt gregoríska tímatalinu en á þriðjudegi samkvæmt júlíska tímatalinu sem er tíu dögum á eftir.

Atburðir

Kalmarófriðurinn á sænsku veggteppi.

• 3. maí - Kalmarófriðurinn braust út milli Danmerkur og Svíþjóðar þegar Danir settust um borgina Kalmar með 6000 manna lið.
• Júní - Tveir frísneskir stjörnufræðingar, David og Johannes Fabricius, gáfu út niðurstöður athugana sinna á sólblettum með sjónauka.
• 2. ágúst - Thomas Gates tók við stjórn virkisins í Jamestown.
• September - Thomas Dale stofnaði bæinn Henricus ásamt 350 öðrum landnemum.
• 30. október - Gústaf Adolf 2. varð konungur Svíþjóðar.
• 1. nóvember - Leikrit Shakespeares, Ofviðrið, var sýnt í fyrsta skipti í Whitehall-höll í London.

Ódagsett

• Morðbréfamálið: Guðbrandur Þorláksson, Hólabiskup, stefndi lögréttumanninum Jóni Ólafssyni fyrir falsanir og vændi Jón Sigurðsson, lögmann, um hórdómsbrot. Honum var gert að sættast við þann síðarnefnda á Alþingi um sumarið.
• Rúdolf 2. keisari lét bróður sínum, Matthíasi, eftir konungdæmið í Bæheimi.
• Go-Mizunoo varð Japanskeisari.
• Jón lærði Guðmundsson kvað Fjandafælu til að kveða niður drauga sem stunduðu grjót- moldar- og beinakast á Stað á Snæfjallaströnd.
• Jakobsbiblían var fyrst gefin út í Englandi.
• George Abbot varð erkibiskup í Kantaraborg.

Fædd

• 28. janúar - Johannes Hevelius, pólskur borgarstjóri Gdańsk og kortagerðarmaður (d. 1687).
• 16. maí - Innósentíus 11. páfi (d. 1689).
• 1. september - William Cartwright, enskt leikskáld og predikari (d. 1943).

Ódagsett

• (líklega) D'Artagnan, skytta Frakkakonungs (d. 1673).

Dáin

• 20. ágúst - Tomás Luis de Victoria, spænskt tónskáld (f. 1548).
• 30. október - Karl 9., Svíakonungur (f. 1550).

Opinberar aftökur

• Ónafngreindur maður tekinn af lífi fyrir morð framið í Steingrímsfirði, Strandasýslu.
• Tveir menn, ónafngreindir, teknir af lífi fyrir morð á syni bóndans að Vindifelli í Vopnafirði.^[1]
• Sigríður Halldórsdóttir og Jón Oddsson, mágur hennar, tekin af lífi í Dalasýslu fyrir dulsmál, henni drekkt í Gerðarlæk á Ballarárþingi.^[2]

Tilvísanir

1. Í annálum fer tveimur sögum af því hvaða ár þetta var, 1611 eða 1627.
2. Upplýsingar um aftökur sóttar á vef rannsóknarverkefnisins Dysjar hinna dauðu, þá ekki síst skrá á slóðinni https://dhd.hi.is/gogn/Info.pdf, sótt 15.2.20202.