Republiko Ingushia o Republiko Ingushetia (ruseРеспублика Ингушетия, ingusheГӀалгӏай Мохк) esas un ek la subdividuri di Rusia, nord-Kaukazia. Ol subdividesas en 9 distrikti, ed olua chefurbo esas Magas. Segun la kontado di 2022, ol havis 524 058 habitanti. Ye 2010 la granda majoritato di la habitanti esas ingushiani (94,1 %), 4,6 % – checheniani, e nur 0,9 % di la habitantaro esas rusi. La republiko jacas en nordal Kaukazia, inter republiki Chechenia (este) e Nord-Osetia-Alania (weste). Havanta nur 3 123 km², ol esas la min granda republiko Rusa.
Historio
De 10.000 aK til 8.000 aK la regiono habitesis dal populo Nakh, qua praktikis agrokultivo. Dum Neolitiko (6.000 til 4.000 aK) existis kolonieti en Ali-Yurt e Magas.
La republiko kreesis ye la 4ma di junio 1992, kande la Republiko Socialista Autonoma di Chechenia-Ingushetia dividesis en du.
Segun votado 1991 Ingushia decidis ne separar su de Rusia.
Pro teritoriala konflikto en 1992, Igushetia havis kurta milito kontre Nord-Osetia-Alania. Fakte, lokala konflikto haltesis erste en 2020.
Precipue pro la sama religio e tre simila linguo, Ingushiani e Checheniani havas tre intima e varma relato. La grupi reciproke suportis senkondicione l'unu l'altru dum tota tumulti en Nord-Kaukazia dum la yari 1990a e 2000a. En Ingushia, esas multa militala fuganti ek Chechenia, e en Chechenia – ek Ingushia.
Precipua loki
De loki en la republiko super 5 000 habitanti esas:
_-_Ingushetia.svg)
.svg){kind=small}
.svg){kind=small}
