Ti agmaymaysa a Dustrito ti Kongreso iti Is-isla ti Dinagat ket isu ti pannakabagi ti Is-isla ti Dinagat iti Kamara dagiti Pannakabagi ti Filipinas. Daytoy ket nabangon idi 2007, kalpasan a ti Is-isla ti Dinagat ket nabangon idi a kas maysa a probinsia idi Disiembre 2, 2007. Manipud idi 1907 aginggana idi nabangon manen idi 2007, daytoy ket paset idi ti pannakabagi ti Surigao del Norte. Idi panawen ti Temporario a Nailian a Kongreso manipud idi 1978 aginggana idi 1984 daytoy ket paset idi ti pannakabagi ti Rehion X. NUpay kasta, idi Pebrero 11, 2010 ti Kangatuan a Korte iti Filipinas ket nagirangarang ti panakapartuat ti probinsia ti Is-isla ti Dinagat ket awan serbina ken kodapis gapu ti saan a makaanay a kalawa ti daga ken populasion kas naibaga babaen ti Kodigo ti Lokal a Gobierno para iti panakapartuat kadagiti probinsia. Daytoy ket naipasubli met laeng idiay Surigao del Norte.[1][2][3][4][5]Idi Marso 30, 2011, nupay kasta, ti Kangatuan a Korte ket inpasublina ti bilinna manipud ti napalabas a tawen, ken nagtengngel ti kontitunalidad iti RA 9355 ken ti panakapartuat ti Is-isla ti Dinagat a kas maysa a probinsia. [6]