Ջարաբուլուս

Քաղաք
Ջարաբուլուս
արաբ․՝ جرابلس‎‎‎‎
Երկիր	Սիրիա
Մուհաֆազա	Հալեպի մարզՀալեպի մարզ
Մինտակա	Ջարաբուլուսի գավառ
Նահիյա	Ջարաբուլուսի շրջան
ԲԾՄ	367±1 մետր, 356±1 մետր
Բնակչություն	11 570 մարդ (2004)
Ազգային կազմ	արաբներ, քրդեր, հայեր
Ժամային գոտի	UTC+2
Ջարաբուլուս (Սիրիա)
Ջարաբուլուս Վիքիպահեստում

Ջարաբուլուս (արաբ․՝ جرابلس‎‎‎‎, քրդ.՝ Cerablûs), քաղաք Սիրիայի Արաբական Հանրապետության հյուսիսարևմտյան մասում, Հալեպի մարզի Ջարաբուլուսի գավառում։ Համանուն շրջանի կենտրոնն է, որի տարածքում են գտնվում աշխարհի հնագույն քաղաքներից մեկի՝ Կարքեմիշի ավերակները։

Աշխարհագրական դիրք

Քաղաքը տեղակայված է Հալեպի մարզի հյուսիսարևմտյան հատվածում՝ Եփրատ աջ ափին։ Մոտ է թուրքական սահմանին։ Բարձրությունը ծովի մակարդակից կազմում է 367 մ։

Ջարաբուլուս քաղաքից 95 կմ հարավ-արևմուտք գտնվում է մարզկենտրոն Հալեպը, իսկ մայրաքաղաքից հեռու է 393 կմ։

Բնակչություն

2004 թվականի պաշտոնական մարդահամարի տվյալներով՝ Ջարաբուլուս քաղաքի բնակչությունը կազմում էր 11 570 մարդ, որոնց մեջ որոշակի թիվ էին կազմում քրդերը^[1]։

Հայեր

Հայոց ցեղասպանությունից հետո սահմանամերձ քաղաքում հաստատվել են տասնյակ հայ ընտանիքներ, որոնց թիվը 1924 թվականին սահմանվել է շուրջ երկու հազար։ Քաղաքում գործում էր հայ կաթողիկե՝ սուրբ սիրտ Հիսուսի եկեղեցին, որը փակվել է նախքան Սիրիական ճգնաժամը՝ հավատացյալների Հալեպ տեղափոխվելու արդյունքում։ Այն ենթարկվում էր Տանն Կիլիկիո կաթողիկե եկեղեցու Կամիշլիի թեմին։

Տրանսպորտ

Ամենամոտ քաղաքացիական օդանավակայանը Հալեպի միջազգային օդանավակայանն (Aleppo International Airport) է, որը գտնվում է Հալեպ քաղաքում։ Ավելի հարավ՝ տեղ-տեղ թուրքական տարածքով, անցնում է Հալեպ-Մոսուլ երկաթգիծը։

Ծանոթագրություններ

1. «2004 թվականի մարդահամարի տվյալներ». Արխիվացված է օրիգինալից 2013 թ․ սեպտեմբերի 26-ին. Վերցված է 2015 թ․ փետրվարի 22-ին.

Վիքիպահեստն ունի նյութեր, որոնք վերաբերում են «Ջարաբուլուս» հոդվածին։