Ֆուտբոլիստի կարիերան Պրատը սկսել է Գենկում[4]։ 2010 թվականի մայիսին նա միացավ Անդերլեխտի ակադեմիային[5][6]։ Իր պրոֆեսիոնալ դեբյուտը Պրատը նշեց 2011 թվականի սեպտեմբերի 21-ին՝ թիմի մեկնարկային կազմում խաղադաշտ դուրս գալով Բելգիայի գավաթիԼոմելի դեմ խաղում և այս խաղում դառնալով 2 գոլային փոխանցման հեղինակ[7]։ Իր առաջին գոլը պրոֆեսիոնալ կարիերայում խփեց հոկտեմբերի 26-ին՝ Բելգիայի գավաթիՌուպեր Բոմի դեմ խաղում[8]։ Առաջին հանդիպումը Բելգիայի առաջնությունում անցկացրեց հոկտեմբերի 30-ին՝ փոխարինման մտնելով Լյերսի դեմ խաղում[9]։ 2012 թվականի մարտին բելգիացին երկարաձգեց իր պայմանագիրը Անդերլեխտի հետ մինչև 2015 թվականը[10]։ Իր առաջին մրցաշրջանում Պրատը անցկացրեց 9 հանդիպում՝ դառնալով 1 գոլի և 2 գոլային փոխանցման հեղինակ[11]։
2012 թվականի հուլիսի 22-ին Պրատը գոլ խփեց Բելգիայի սուպերգավաթիԼոկերենի դեմ խաղում[12]՝ օգնելով Անդերլեխտին հաղթել 3-2 հաշվով և նվաճել գավաթը[13][14]։ Իր առաջին հանդիպումը եվրոպական առաջնություններում բելգիացին անցկացրեց օգոստոսի 8-ին՝ թիմի մեկնարկային կազմում խաղադաշտ դուրս գալով Չեմպիոնների Լիգայի որակավորման երրորդ փուլի Էկրանասի դեմ խաղում և այս խաղում դառնալով գոլի ու գոլային փոխանցման հեղինակ[15]։ Իր դեբյուտը Չեմպիոնների Լիգայում նշեց սեպտեմբերի 18-ին՝ փոխարինելով Շեյխու Կույատեին խմբային փուլի Միլանի դեմ խաղում[16]։ Իր առաջին գոլը Բելգիայի առաջնությունում Պրատը խփեց հոկտեմբերի 30-ին՝ Գենտի դեմ խաղում[17]։ Նոյեմբերի 11-ին նա գոլի և գոլային փոխանցման հեղինակ դարձավ Բրյուգգեի դեմ խաղում[18]։ 2012-13 մրցաշրջանում Պրատը անցկացրեց 40 հանդիպում՝ դառնալով 6 գոլի և 8 գոլային փոխանցման հեղինակ[19]։
2013 թվականի հուլիսի 21-ին Պրատը խաղադաշտ դուրս եկավ Բելգիայի սուպերգավաթիԳենկի դեմ խաղում, և Անդերլեխտը հաղթեց գավաթը[20][21]։ Օգոստոսի 11-ին բելգիացին գոլի և գոլային փոխանցման հեղինակ դարձավ Գենտի դեմ խաղում[22]։ Սեպտեմբերի 25-ին նա 3 գոլային փոխանցում տվեց Բելգիայի գավաթիԷյպենի դեմ խաղում[23]։ 2014 թվականի սկզբին Պրատը երկարաձգեց իր պայմանագիրը ակումբի հետ մինչև 2017 թվականը։ Մարտի 16-ին՝ Օստենդեի դեմ խաղում բելգիացին տվեց 2 գոլային փոխանցում՝ օգնելով Անդերլեխտին հաղթել 4-0 հաշվով[24]։ Մայիսի 18-ին Պրատը գոլի և գոլային փոխանցման հեղինակ դարձավ Լոկերենի դեմ խաղում[25], ինչի շնորհիվ Անդերլեխտը իր պատմության մեջ 33-րդ անգամ հաղթեց Բելգիայի առաջնությունը[26]։ 2013-14 մրցաշրջանում նա անցկացրեց 46 հանդիպում՝ դառնալով 5 գոլի և 9 գոլային փոխանցման հեղինակ[27]։
2014 թվականի օգոստոսի 31-ին՝ Բրյուգեի դեմ խաղում Պրատը անցկացրեց իր 100-րդ հանդիպումը Անդերլեխտի կազմում՝ այս խաղում դառնալով 2 գոլային փոխանցման հեղինակ[28]։ Սեպտեմբերի 16-ին՝ Գալաթասարայի դեմ խաղում բելգիացին խփեց իր առաջին գոլը Չեմպիոնների Լիգայում[29][30]։ 2014 թվականի դեկտեմբերին նա գոլի հեղինակ դարձավ 4 անընդմեջ հանդիպումներում[31][32][33][34]՝ այս խաղերում խփելով 5 գոլ և տալով 2 գոլային փոխանցում։ 2015 թվականի հունվարի 14-ին Պրատը ճանաչվեց Բելգիայի առաջնության տարվա լավագույն ֆուտբոլիստ՝ առաջ անցնելով Բրյուգգեի կիսապաշտպան Վիկտոր Վասկեսից[35][36]։ 2014-15 մրցաշրջանում նա անցկացրեց 39 հանդիպում՝ դառնալով 9 գոլի և 11 գոլային փոխանցման հեղինակ[37]։
2015 թվականի օգոստոսի 23-ին Պրատը խփեց Լոկերենի դեմ հանդիպման միակ գնդակը՝ 1-0 հաշվով հաղթանակ պարգևելով Անդերլեխտին[38]։ Դեկտեմբերի 20-ին նա դուբլ ձևակերպեց Բրյուգգեի դեմ խաղում[39]։ 2016 թվականի փետրվարի 21-ին բելգիացին հեռացվեց խաղադաշտից Վասլանդ-Բևերենի դեմ խաղում՝ ստանալով երկրորդ դեղին քարտը հանդիպման 85-րդ րոպեին[40]։ Անդերլեխտի առաջին թիմի կազմում Պրատը անցկացրեց 182 հանդիպում՝ դառնալով 27 գոլի ու 39 գոլային փոխանցման հեղինակ և օգնելով իր թիմին 3-ական անգամ հաղթել Բելգիայի առաջնությունը[26][41][42] և Բելգիայի սուպերգավաթը[13][21][43]։
Սամպդորիա
2016 թվականի օգոստոսի 24-ին Պրատը 10 միլիոն եվրոյի դիմաց տեղափոխվեց Սամպդորիա[44][45]։ Իր դեբյուտը ակումբի կազմում նշեց օգոստոսի 28-ին՝ փոխարինելով Ռիկարդո ԱլվարեսինԱտալանտայի դեմ խաղում[46]։ Առաջին հանդիպումը թիմի մեկնարկային կազմում անցկացրեց սեպտեմբերի 16-ին՝ Միլանի դեմ խաղում[47]։ Իր առաջին գոլը Սերիա A-ում Պրատը խփեց 2017 թվականի հունվարի 29-ին՝ Ռոմայի դեմ խաղում[48]։ 2018 թվականի ապրիլի 29-ին նա գոլի հեղինակ դարձավ Կալյարիի դեմ խաղում՝ օգնելով իր թիմին հաղթել 4-1 հաշվով[49]։ Սամպդորիայի ավագի թևկապով բելգիացին առաջին անգամ խաղադաշտ դուրս եկավ նոյեմբերի 11-ին՝ Ռոմայի դեմ խաղում[50]։ Նոյեմբերի 29-ին Պրատը երկարաձգեց իր պայմանագիրը ակումբի հետ մինչև 2021 թվականը[51][52][53]։ Դեկտեմբերի 16-ին նա 2 գոլային փոխանցում տվեց Պարմայի դեմ խաղում, իսկ հանդիպումն ավարտվեց 2-0 հաշվով[54]։ Սամպդորիայի կազմում Պրատը անցկացրեց 106 հանդիպում՝ դառնալով 4 գոլի և 6 գոլային փոխանցման հեղինակ[55][56]։
.svg){kind=small}
