Անիբալե Կարաչի

Անիբալե Կարաչի իտալ.՝ Annibale Carracci
Ծնվել է	նոյեմբերի 3, 1560[1]
Ծննդավայր	Բոլոնիա, Պապական մարզ[2][1]
Վախճանվել է	հուլիսի 15, 1609(1609-07-15)[1][3][4]^[…] (48 տարեկան)
Մահվան վայր	Հռոմ, Պապական մարզ[5][1]
Քաղաքացիություն	Պապական մարզ
Մասնագիտություն	նկարիչ, նկարիչ-փորագրող և գծանկարիչ
Ոճ	բարոկկո[6]
Ժանր	պատմական գեղանկարչություն[7], ժանրային նկարչություն[7] և դիմանկար[7]
Թեմաներ	գեղանկարչություն[8]
Ուշագրավ աշխատանքներ	Corpse of Christ?, The Choice of Hercules? և Resurrection of Christ?
Ուսուցիչ	Պրոսպերո Ֆոնտանա
Աշակերտներ	Անտոնիո Մարցիալե Կարաչի
Ազգականներ	Անտոնիո Մարցիալե Կարաչի
ստորագրություն
Annibale Carracci Վիքիպահեստում

Անիբալե Կարաչի (իտալ.՝ Annibale Carracci), նոյեմբերի 3, 1560^[1], Բոլոնիա, Պապական մարզ^[2][1] - հուլիսի 15, 1609(1609-07-15)^{[1][3][4][…]}, Հռոմ, Պապական մարզ^[5][1]), իտալացի նկարիչ, Բոլոնիայի դպրոցի քանդակագործ, նկարիչ Ագոստինո Կարաչիի եղբայրը։

Կենսագրություն

Պասերոտոյի և իր երկպորտ եղբոր` նկարիչ Լյուդովիկ Կարաչիի աշակերտը, Անիբալը արվեստի դասեր է վերցրել Կորեջիոյից, Տինտորետտոյից, Պաոլո Վերոնեզեից, Ռաֆայելից ու Միքելանջելոյից։ Այս վարպետներին նմանակելու ձգտումը վառ արտահայտված է նրանց վաղ ստեղծագործություններում։ 1582 թվականին Անիբալե և Ագոստինո Կարաչիները հիմնել են սեփական դպրոցը, որն արդյունքում ստացել է «Ակադեմիա դելի Ինկամինատի» անվանումը<sup>[9]</sup>։ Անիբալեն գործուն մասնակցություն է ունեցել Ակադեմիայի մանկավարժական ու գեղարվեստական գործունեությանը։ 1597 թվականին Անիբալե Կարաչին հրավիրվել է Հռոմ կարդինալ Ֆարնեզեի կողմից` առասպելաբանական թեմատիկայով ձևավորելու Պալացցո Ֆարնեզեի պատերը։ Այդ աշխատանքը նրանից, իր եղբայր Ագոստինոյից ու աշակերտներից խլել է 8 տարի։ Նրանց կողմից ստեղծված որմնանկարները նշանակալի են իրենց հաջող դիրքերով, համադրությունների իմաստավորումով և բազմապիսությամբ ու նկարչի հաջողված նկարներին բնորոշ գույների թարմությամբ։ 1602 թվականին Անիբալե Կարաչին պատվեր է ստանում որմնանկարելու հռոմական Էրերա դե Սան Ջակոմո դելի Սպանիոլի կապելան։ 1605 թվականից սկսած դաժան հոդացավերը թույլ չեն տալիս նկարչին սբաղվել գեղանկարչությամբ։ Չնայած համընդհանուր ճանաչմանը, Անիբալեն Կարաչին մահացել է 49 տարեկան հասակում, աղքատության մեջ և թաղվել է Պանթեոնում, Ռաֆայելի կողքին` ըստ մահից առաջ հայտնած իր ցանկության։

Ստեղծագործություն

Կարաչիի գեղարվեստական ստեղծագործությունների արժանիքները կայանում է համադրության արվեստում, խելամտորեն հաշվարկված կերպարներում և գույների թարմության մեջ:Սակայն քննադատները նաև նշում են իրականության բացակայությունը նրա աշխատանքներում։ Անիբալե Կարաչիի կրոնական կոմպոզիցիաները տիպիկ արտացոլումն է իր ժամանակների սենտիմենտալ և անիրական աստվածատկերման։ Բացի հոգևոր, դիցաբանական և այլաբանական բովանդակության նկարներից, պատկերել է նաև բնանկաներ։

Հիմնական աշխատանքներ

• «Աստվածամայրը սրբերի հետ» (1592);
• «Քրիստոսի հարությունը»
• «Սուրբ Ռոխ»
• «Բաքոսուհին և սատիրը»
• «Քրիստոսը և սամարացին»
• «Մանուկների ծեծ»
• «Սուրբ ընտանիք»
• «Հանգիստ Եգիպտոսի ճանապարհին»
• «Մահացած Քրիստոսը»

Իր փորագրություններում Անիբալե Կարաչին ստեղծել է գրեթե բացառապես սեփական համադրություններ («Խաչելություն», «Յուպիտերը և Անտիոպան», «Քրիստոս» և այլն)։

Պատկերասրահ

• 
  Ինքնանակար մոտ. 1580
• 
  Գերեվարված Սամսոնը մոտ 1595 Բորգեզե պատկերասրահ Հռոմ
• 
  Յուպիտեր և Յունոնա
• 
  Դիոնիսոսի և Արիանի Տրիումֆը
• 
  Ընդեղեն խժռողը 1584—1585

Ծանոթագրություններ

1. Bibliothèque nationale de France data.bnf.fr (ֆր.): տվյալների բաց շտեմարան — 2011.
2. Waterhouse E. Italian Baroque Painting — London: Phaidon Press, 1962. — P. 85.
3. Annibale Carracci (նիդերլ.)
4. Annibale Carracci — OUP, 2006. — ISBN 978-0-19-977378-7
5. Union List of Artist Names
6. https://www.metmuseum.org/toah/hd/carr/hd_carr.htm
7. National Gallery of Art - Collection
8. Չեխիայի ազգային գրադարանի կատալոգ
9. Treccani

Արտաքին հղումներ

• «Annibale Carracci» (անգլերեն). Artble. Վերցված է 2016 թ․ դեկտեմբերի 19-ին.
• Аннибале Карраччи. Картины

Վիքիպահեստն ունի նյութեր, որոնք վերաբերում են «Անիբալե Կարաչի» հոդվածին։