Kamjenica (němsceChemnitz) je bjezwokrjesne město w juhozapadnej Sakskej a z wjace hač 240.000 wobydlerjemi třeće najwjetše město w swobodnym staće. Mjez 1953 a 1990 měješe oficielne mjeno „Karl-Marx-Stadt“ (Karla Marxowe město).
Město je so w lěće 1143 jako Kameniz prěni raz naspomniło. Mjeno Kamjenica je serbskeho pochada a bu wot přez město ćečaceje rěki wotwodźene. Z industrijnej rewoluciju wuwi so Kamjenica na wažne industrijne stejišćo a słuša dźensa k 30 najwjetšim městam Němskeje. Nimo toho je sydło Techniskeje uniwersity.
W lěće 2025 budźe Kamjenica jedna z dweju kulturneju stolicow Europy.
Wobchad
Kamjenica je jedne z centralnych wobchadnych křižnišćow w Sakskej. Zwjazkowe awtodróhi wjedu wottam do Drježdźan a Zhorjelca (A 4), Frankobroda (A 4), Lipska (A 72) a Dwórca (A 72). Železniske čary zwjazuja Kamjenicu z Lipskom, Drježdźanami a přez Wikow z Berlinom.
.svg){kind=small}
