Darmstadt je bjezwokrjesne wulkoměsto na juhu Hessenskeje, zarjadniske sydło knježerstwoweho wobwoda Darmstadt a wokrjesa Darmstadt-Dieburg.
Město słuša k Porynsko-Mohanskej kónčinje a je jedyn z dźesać wyšich centrow kraja Hessenskeje. Darmstadt ma něhdźe 160.000 wobydlerjow a je z tym po Frankfurće nad Mohanom, Wiesbadenje a Kasselu štwórte najwjetše město Hessenskeje. Najblišej wjetšej měsće stej Frankfurt nad Mohanom a Offenbach něhdźe 30 kilometrow sewjernje, Wiesbaden a Mohuč něhdźe 40 km na sewjerowuchod, Mannheim a Ludwigshafen nad Rynom něhdźe 45 km kaž tež Heidelberg něhdźe 55 km na juh.
Historisce bě Darmstadt hłowne a rezidencne město krajneho hrabinstwa, wulkowójwodstwa a ludoweho stata Hessenskeje.
.svg)
