Xosé Manuel López Nogueira

Xosé Manuel López Nogueira
Biografía
Nacemento	1932 ; Ferrol, España
Morte	20 de outubro de 1983 (50/51 anos); Santiago de Compostela, España
Educación	Universidade de Santiago de Compostela
Actividade
Ocupación	escritor, psiquiatra, neurólogo

Xosé Manuel López Nogueira, nado en Ferrol en 1932 e finado en Santiago de Compostela o 20 de outubro de 1983,^[1] foi neurólogo, psiquiatra e escritor galego.

Traxectoria

Estudou Medicina na Universidade de Santiago de Compostela, e exerceu como neurólogo e psiquiatra en Santiago de Compostela. Impartiu clases na facultade de Psicoloxía da USC. Foi membro da xeración de La Noche, onde publicou as primeiras colaboracións xornalísticas e un dos promotores da Festas Minervais. Estudoso de temas filosóficos e psiquiátricos, e de estética e arte, colaborou asiduamente en Grial e tamén en Vieiros e Revista de la Casa de Galicia de Nueva York. Parte dos seus traballos publicados ata 1973 foron recollidos en Dialéctica existencial y psicoanálisis.

Obras

Dialéctica existencial y psicoanálisis (2 v.), 1973.
Sobre la juventud actual, 1980.

Artigos

"El arte comprometido" (1963)
"Unamuno i a súa imaxen da vida" (1964)
"Sobre el problema de la historia" (1965)
"A dialéctica da existencia" (1966)
"Dialéctica e poesía: sobre un libro de X.L. Franco Grande" (1968)
"Fernando Pérez-Barreiro, traductor de Shakespeare: versión galega do Macbeth" (1973)
"Castelao e o naturalismo galego" (1975)
"O poeta e o mito" (1976), sobre Ramón Cabanillas
"Jaspers, o psiquiatra perdido"
"Carl Gustav Jung"
"Ernest Kretschemer"
"A crisis da razón dialéctica", sobre o pensamento de Sartre.
"Psicoloxía da gran cidade"
"As urdimbres societarias"
"A edade de ouro das neurosis"

Vida persoal

Casou con Teresa Gallego Soneira e foi pai de Ana, José e Alicia López Gallego.

Notas

↑ Necrolóxica en La Voz de Galicia, 21-10-1983, p. 52.

Véxase tamén

Bibliografía

Pombo Sánchez, Manuel (2007). "Arredor da obra do médico e profesor X. M. López Nogueira". Roteiros. Arumes de pensamento crítico (TresCtres) (1): 125–137.