Xoaquín Álvarez Corbacho

Para outras páxinas con títulos homónimos véxase: Joaquín Álvarez.

Xoaquín Álvarez Corbacho

Biografía
Nacemento	19 de abril de 1942 O Grove, España
Morte	23 de xuño de 2021 (79 anos) O Grove, España
Alcalde do Grove
1979 – 1981 (dimisión) ← Alfredo Bea Gondar – José María Mourelos Muñiz →
Datos persoais
Educación	Universidade de Santiago de Compostela
Actividade
Ocupación	político, economista
Traxectoria   Equipo Competición -   Celta de Vigo
Familia
Pai	Joaquín Álvarez Lores

Xoaquín Álvarez Corbacho, nado no Grove o 19 de abril de 1942 e finado no mesmo concello o 23 de xuño de 2021, foi un político, economista, ensaísta e investigador galego.

Traxectoria

Doutor en Ciencias Económicas pola Universidade de Santiago de Compostela, cursou estudos nas Universidades de York e Leicester. De mozo foi tamén futbolista, pasando por clubs como o Real Club Celta (de 1960 a 1964)^[1] ou o Racing de Santander. ^[2] Militou no PCG,^[3] e foi o primeiro alcalde do Grove da democracia co PCG (1979-1981).^[4] Durante o seu mandato conseguiu da condesa de Fenosa a cesión dunha parte importante da illa da Toxa ao concello do Grove.^[5]

Foi catedrático de Facenda Pública da USC, vicerreitor de Asuntos Económicos na USC (1985-1990)^[4] e catedrático de Economía Aplicada da Universidade da Coruña e, tamén, foi conselleiro do Consello de Contas de Galicia.^[6][7]

As súas investigacións centrábanse na teoría do federalismo fiscal, as facendas territoriais^[8], a economía da educación e os efectos económicos das infraestruturas do transporte. Foi un experto en municipalismo.^[4]

Obras

Ensaio

• La agonía del municipalismo gallego, 1995, Fundación Caixa Galicia.
• Déficit y deuda pública en las haciendas territoriales españolas, 1998, Fundación Caixa Galicia.
• A rebelión municipal. Unha esperanza para Galicia, 2003, Edicións Xerais de Galicia.
• Educación democrática ou barbarie^[9][10], 2015, Laiovento.

Obras colectivas

• La nueva hacienda local, 1990, Fundación Caixa Galicia. Con Perfecto Yebra
• Efectos económicos de la Autopista del Atlántico, 1996, IDEGA-ENA. Con Emilio Pérez Touriño (director)
• Infraestructuras y desarrollo regional, 1997, Civitas. Con Emilio Pérez Touriño (director)
• Los efectos económicos de las autovías de Galicia, 1998, Instituto de Estudos Económicos de Galicia, Fundación Barrié. Con Emilio Pérez Touriño
• Chaves da economía pública galega, 2006, Editorial Galaxia. Con Albino Prada
• Territorio, financiamento e control de gasto, 2008, Galaxia. Con Santiago Lago Peñas.

Recoñecementos

En 2013, recibiu un dos Premios 10 de Marzo^[11], entregado pola Fundación 10 de Marzo e o Sindicato Nacional de CCOO de Galiza.^[12]

Vida persoal

Era fillo de Joaquín Álvarez Lores.

Notas

1. Fernando Rey Tapias (18 de maio de 2021). Vídeo con entrevista sobre a súa vida deportiva (youtube). 
2. Ficha de Joaquín Alvarez na web Yo jugué en en Celta, consultado o 6 de marzo de 2013
3. Baamonde, Antón (24 de xuño de 2021). "Xoaquín Álvarez Corbacho, un economista luminoso". eldiario.es (en castelán). Consultado o 24 de xuño de 2021. 
4. Redacción (26 de xuño de 2021). "El catedrático Xaquín Álvarez Corbacho falleció en O Grove, donde había sido alcalde". mundiario.com (en castelán). Consultado o 24 de xuño de 2021. 
5. "Se nos fue Álvarez Corbacho". lavozdegalicia.es. Consultado o 24 de xuño de 2021. 
6. Salgado, Fernando (24 de xuño de 2021). "Se nos fue Álvarez Corbacho". lavozdegalicia.es (en castelán). Consultado o 24 de xuño de 2021. 
7. González, Serxio (23 de xuño de 2021). "Xaquín Álvarez Corbacho, el alcalde comunista de O Grove que jugó en el Celta". lavozdegalicia.es (en castelán). Consultado o 24 de xuño de 2021. 
8. "Un economista heterodoxo". Praza Pública. 2021-06-28. Consultado o 2021-06-28. 
9. Manuel Vázquez Sola (16 de abril de 2015). Video con breve entrevista sobre este libro (youtube). 
10. "A herdanza de Xaquín Álvarez Corbacho". Tempos Novos. Arquivado dende o orixinal o 29 de agosto de 2021. Consultado o 2021-08-29. 
11. "CCOO lamenta o falecemento do compañeiro Xaquín Álvarez Corbacho, colaborador activo do sindicato e da súa fundación". CCOO Galicia (en castelán). Arquivado dende o orixinal o 23 de xuño de 2021. Consultado o 2021-06-30. 
12. Redacción (23 de xuño de 2021). "Pesar polo falecemento de Xaquín Álvarez Corbacho". nosdiario.gal. Consultado o 24 de xuño de 2021. 

Véxase tamén

Bibliografía

• "ÁLVAREZ CORBACHO, Joaquín". Gran Enciclopedia Galega Silverio Cañada (DVD). Grupo El Progreso. 2005. ISBN 84-87804-88-8. 

Outros artigos

• Eleccións municipais no Grove

Ligazóns externas

• Todas as súas obras poden consultarse nesta Biblioteca^[1]
• Entrevista en profundidade na revista Tempos Novos Arquivado 29 de xuño de 2021 en Wayback Machine. (nº 199, decembro 2013) realizada por Luís Villamor
• "Xaquín Álvarez Corbacho: "No debería haber municipios de menos de 10.000 habitantes"" Arquivado 19 de marzo de 2011 en Wayback Machine. (13/11/2010). El Correo Gallego (en castelán).
• Ficha do autor no sitio web de Edicións Xerais de Galicia Arquivado 27 de setembro de 2011 en Wayback Machine.
• "Fiscalidade, urbanismo e desenvolvemento de Galicia Arquivado 24 de xuño de 2021 en Wayback Machine." (1993), Revista Galega de Economía vol. 2, n.º 2. pp. 117-132. ISSN 1132-2799.

Predecesor: Alfredo Bea Gondar

Alcalde do Grove  1979 - 1981

Sucesor: José María Mourelos Muñiz

1. "Biblioteca Universitaria de Santiago de Compostela /C.Completo". 193.144.75.24. Consultado o 2021-06-28. ^{[Ligazón morta]}