PROFILBARU.COM

Ultimate Success Today
Álbum de Protomartyr
Publicado	17 de xullo de 2020
Gravación	2019
Estudio(s)	Dreamland Recording Studios en Hurley, Nova York
Duración	40:07
Xénero(s)	post-punk, noise rock, art rock
Selo(s)	Domino
Produtor	Protomartyr, David Tolomei
Cronoloxía
	[ editar datos en Wikidata ]
	v; c; e;

Ultimate Success Today é o quinto álbum de estudio da banda estadounidense de post-punk Protomartyr, publicado o 17 de xullo de 2020 a través do selo Domino Recording Company. Tematicmante inspirado na crise dos 40 do vocalista Joe Casey, o disco foi concibido como unha "despedida" da primeira década da banda e foi gravado en 2019 nos Dreamland Recording Studios de Hurley, Nova York, coa axuda do produtor David Tolomei. Nas sesións a banda comportouse como unha unidade, incluso ata o punto de seguir rutinas semellantes cada día. O álbum conta con destacadas colaboracións de músicos como Jemeel Moondoc e Fred Lonberg-Holm. As letras foron descritas como escuras e apocalípticas, mentres que a música resulta máis sutil e dinámica que nos seus anteriores lanzamentos.

Titulado polos infocomerciais de tipo "fágase rico rapidamente" (a tradución do título viría a ser algo como "éxito final hoxe"), o álbum debería ser publicado no mes de maio, pero adiouse ata xullo debido á pandemia por coronavirus.^[1] Lanzáronse tres sinxelos acompañados dos seus respectivos vídeos, e unha versión visual do álbum estivo dispoñible dous días despois da súa edición. O traballo foi aclamado pola crítica,^[2] e moitos críticos atoparon que reflectía o estado do mundo en xeral no ano 2020, a pesar de estar escrito o anos anterior, ademais de loubar a súa evolución estilística.

Listaxe de cancións

CD

N.º	Título	Duración
1.	"Day Without End"	3:16
2.	"Processed by the Boys"	5:05
3.	"I Am You Now"	3:12
4.	"The Aphorist"	3:43
5.	"June 21"	4:36
6.	"Michigan Hammers"	4:00
7.	"Tranquilizer"	3:09
8.	"Modern Business Hymns"	4:14
9.	"Bridge & Crown"	4:22
10.	"Worm in Heaven"	4:30
40:07