PROFILBARU.COM

Trofeo Jari Kurri
Tipo	premio deportivo
Deporte	hóckey sobre xeo
Epónimo	Jari Kurri (pt)
Localización e Datas
País	Finlandia
Vixencia	1994 –

O Trofeo Jari Kurri (en finés Jari Kurri -palkinto) é un galardón individual entregado anualmente pola máxima competición de hóckey sobre xeo de Finlandia, a SM-liiga. O premio foi outorgado por primeira vez na tempada 1993-94 e recoñece o mellor xogador durante os play-offs. O gañador é elixido pola Jääkiekon SM-liiga Oy. É similar ao Trofeo Lasse Oksanen, entregado pola liga cada ano ao mellor xogador da liga regular, e ao Kultainen kypärä (en galego casco dourado) entregado pola Asociación de Xogadores ao mellor xogador da SM-liiga.^[1] Recibe o seu nome en honor do ex xogador de Jokerit e varios equipos da National Hockey League (NHL) Jari Kurri.

Nome

Véxase tamén: Jari Kurri.

Como ocorre con outros trofeos individuais da SM-liiga, o Trofeo Jari Kurri recibe o seu nome en honor a unha personalidade destacada da historia do hóckey sobre xeo finés. Este trofeo foi nomeado en honor ao ex xogador Jari Kurri, quen comezou a súa carreira como xogador no Jokerit de Helsinqui na SM-liiga, e posteriormente competiu na National Hockey League (NHL) vestindo a camisola de Edmonton Oilers, Los Angeles Kings, New York Rangers, Mighty Ducks of Anaheim e Colorado Avalanche. Kurri foi ademais internacional coa selección finesa e é considerado o mellor xogador finés da historia, sendo membro do Hockey Hall of Fame dende 2001 e dos Suomen Jääkiekkoleijonat (introducido co número 113), e foi considerado como un dos 100 Mellores Xogadores da NHL.^[2]^[3]^[4]

Historia

O Trofeo Jari Kurri entregouse por primeira vez na tempada 1993-94, e o primeiro xogador en conquistar o trofeo foi Ari Sulander, do Jokerit de Helsinqui, que se proclamou campión finés ese mesmo ano por terceira vez na súa historia.^[1]^[5] Tan só Niklas Bäckström gañou o trofeo en máis dunha ocasión, conseguíndoo dúas veces de xeito consecutivo xogando no Kärpät de Oulu en 2004 e 2005.^[6] En 2001 Jussi Tarvainen converteuse no único xogador que gañou o trofeo sen pertencer ao equipo que se proclamou campión finés.^[7]^[8]

En 1997 Otakar Janecký converteuse no primeiro xogador non nado en Finlandia en recibir o trofeo, e tiveron que pasar nove tempadas ata que na tempada 2005-06 outro xogador non nado en Finlandia, Miika Wiikman, nado en Suecia e con dobre nacionalidade sueca e finesa, recibise o trofeo.^[9]

En 2007 o trofeo foi entregado por primeira vez na súa historia logo do partido decisivo da final.^[10] Na tempada 2008-09 produciuse un feito estraño, xa que foi a primeira e única vez ata o momento na que dous xogadores recibiron o recoñecemento, xogando ademais ambos na mesma posición e no mesmo equipo, porteiros do JYP Jyväskylä, que se proclamou campión esa tempada por primeira vez na súa historia.^[11]^[12]

O trofeo non foi entregado por primeira vez na súa historia debido a que na tempada 2019-20 non se disputaron os play-offs pola suspensión da Liga por mor da pandemia por coronavirus.^[13]

Gañadores

Un total de 27 xogadores diferentes recibiron o Trofeo Jari Kurri dende que este se introduciu na tempada 1993-94:

Trofeo compartido. Tempada cancelada.

Tempada	Equipo	Xogador	Nacionalidade
1993-1994	Jokerit^[14]	Ari Sulander	Finlandia
1994-995	TPS	Saku Koivu	Finlandia
1995-1996	Jokerit	Petri Varis	Finlandia
1996-1997	Jokerit	Otakar Janecký	República Checa
1997-1998	HIFK	Olli Jokinen	Finlandia
1998-1999	TPS	Miikka Kiprusoff	Finlandia
1999-2000	TPS	Tomi Kallio	Finlandia
2000-2001	Tappara	Jussi Tarvainen	Finlandia
2001-2002	Jokerit	Kari Lehtonen	Finlandia
2002-2003	Tappara	Esa Pirnes	Finlandia
2003-2004	Kärpät	Niklas Bäckström	Finlandia
2004-2005	Kärpät	Niklas Bäckström (2)	Finlandia
2005-2006	HPK	Miika Wiikman	Suecia/ Finlandia
2006-2007	Kärpät	Janne Pesonen	Finlandia
2007-2008	Kärpät	Tuomas Tarkki	Finlandia
2008-2009	JYP	Pekka Tuokkola e Sinuhe Wallinheimo	Finlandia
2009-2010	TPS	Ilari Filppula	Finlandia
2010-2011	HIFK	Toni Söderholm	Finlandia
2011-2012	JYP	Jani Tuppurainen	Finlandia
2012-2013	Ässät	Antti Raanta	Finlandia
2013-2014	Kärpät	Juhamatti Aaltonen	Finlandia
2014-2015	Kärpät	Joonas Donskoi	Finlandia
2015-2016	Tappara	Patrik Laine	Finlandia
2016-2017	Tappara	Jukka Peltola	Finlandia
2017-2018	Kärpät	Julius Junttila^[15]	Finlandia
2018-2019	HPK	Otto Paajanen	Finlandia
2019-2020	Non entregado
2020-2021	Lukko	Eetu Koivistoinen	Finlandia
2021-2022	Lukko	Joona Luoto^[16]	Finlandia

Galardóns por equipo

Kärpät é o equipo cuxos xogadores gañaron máis veces o trofeo, cun total de seis xogadores distintos galardoados para un total de sete trofeos para o equipo de Oulu. Xogadores doutros sete equipos gañaron o Trofeo Jari Kurri:

Equipo	Nº de xogadores	Total trofeos
Kärpät	6	7
Jokerit^[a]	4	4
TPS	4	4
Tappara	4	4
JYP	3	3
HIFK	2	2
HPK	2	2
Ässät	1	1
Lukko	2	2

Notas

↑ Jokerit deixou a SM-liiga na tempada 2013-14 para pasar a competir na Kontinental Hockey League a partir da tempada 2014-15.^[17]

Referencias

↑ ^1,0 ^1,1 "Palkinnot" (en finés). Liiga.fi. Consultado o 24 de marzo de 2020.
↑ "Palkinnot" (en finés). Liiga.fi. Consultado o 8 de xaneiro de 2020.
↑ MacKinnon, John. "Jari Kurri: 100 Greatest NHL Players" (en inglés). NHL.com. Consultado o 22 de marzo de 2020.
↑ Blevins, Dave (2012). The Sports Hall of Fame Encyclopedia (en inglés). Rowman & Littlefiel. p. 550. ISBN 9780810861305. Consultado o 22 de marzo de 2020.
↑ "JOKEREIDEN SAAVUTUKSET" (en finés). Jokerit.com. Arquivado dende o orixinal o 02 de abril de 2020. Consultado o 1 de abril de 2020.
↑ Seppänen, Antti (10 de xuño de 2016). "Niklas Bäckström ja Juhamatti Aaltonen HIFK-paitaan" (en finés). Liiga.fi. Consultado o 24 de marzo de 2020.
↑ "2000-01 SM-liiga Playoff Results" (en inglés). hockeydb.com. Consultado o 24 de marzo de 2020.
↑ "2000-01 Tappara Tampere roster and statistics" (en inglés). hockeydb.com. Consultado o 24 de marzo de 2020.
↑ "STEWART SECURES WIIKMAN" (en inglés). Coventry Blaze. 15 de agosto de 2018. Arquivado dende o orixinal o 29 de setembro de 2020. Consultado o 2 de abril de 2020.
↑ "Janne Pesonen playoffsien paras pelaaja" (en finés). Liiga.fi. 12 de abril de 2007. Consultado o 23 de marzo de 2020.
↑ Seppänen, Antti (2 de febreiro de 2018). "Perinnesarja, osa 36: JYP vihdoinkin Suomen mestari 2009" (en finés). Liiga.fi. Consultado o 23 de marzo de 2020.
↑ "Briefly in English" (en inglés). JYP Jyväskylä. Consultado o 1 de abril de 2020.
↑ "Liiga kausi päättyy välittömästi" (en finés). Liiga.fi. 13 de marzo de 2020. Consultado o 22 de marzo de 2020.
↑ "Jari Kurri -palkinto" (en finés). SM-liiga.fi. Arquivado dende o orixinal o 06 de setembro de 2013. Consultado o 01 de marzo de 2020.
↑ "Näin Liiga palkitsi kauden parhaitaan – Kärppien kultaluotsista vuoden valmentaja" (en finés). kiekkoareena.fi. 2 de maio de 2018. Arquivado dende o orixinal o 14 de xuño de 2018. Consultado o 24 de marzo de 2020.
↑ "LIIGAN PALKINTOGAALASTA USEITA HUOMIONOSOITUKSIA TAPPARALLE" (en finés). Tappara.fi. 9 de xuño de 2022. Consultado o 13 de xullo de 2022.
↑ "Jokerit Helsinki Statistics and History [KHL]" (en inglés). hockeydb.com. Consultado o 24 de marzo de 2020.