A 38ª edición da Liga española de hóckey a patíns, denominada OK Liga, iniciouse o día 9 de setembro do 2006 e finalizou o 13 de maio do 2007 co último partido da final. Os equipos ascendidos de Primeira División foron o Vigo Stick, o CH Mataró e o Lleida Llista Blava. O campión desta edición da liga foi o Barcelona Sorli Discau, que gañou o seu 20º título de liga (10º de xeito consecutivo). Dos 16 equipos que tomaron parte na máxima categoría do hóckey a patíns español, doce eran cataláns, dous galegos, un canario e un valenciano.
O equipo máis goleador foi o Barcelona Sorli Discau con 150 goles (53 goles máis que o Reus, o segundo equipo máis goleador con 97 tantos, os mesmos que obtivo o club barcelonés de diferenza), o menos goleador foi o C.H. Lloret con 60 goles. O equipo menos goleado foi o Roncato Vic con 38 goles encaixados, mentres que o Enrile PAS Alcoi foi o equipo máis goleado da competición con 123. Miguel Ángel Sánchez (Cemex Tenerife) foi o "pichichi" con 35 goles.
Ao finalizar a liga, os tres equipos descendidos foron o PAS Alcoi, Vigo Stick e o SHUM Maçanet.
Pts = Puntos totais PX = Partidos xogados PG = Partidos gañados PE = Partidos empatados PP = Partidos perdidos GF = Goles a favor
GC = Goles en contra DG = Diferenza de goles (GF-GC) Resaltado en verde = Equipo clasificado para os play-offs. Resaltado en vermello = Equipo que descende de categoría. (p) = Gol de penalti (pro.) = Gol na prórroga