Spacecraft Charging At High Altitudes, tamén coñecido polo seu acrónimo SCATHA e como P78-2, foi un satélite artificial do programa Space Test Program da Forza Aérea dos Estados Unidos lanzado o 30 de xaneiro de 1979 mediante un foguete Delta 2914 desde o Centro Espacial de Cabo Cañaveral, en Florida.[2][4]
A misión de SCATHA foi medir o proceso de adquisición de cargas eléctricas do satélite durante o seu paso polo plasma que rodea á Terra para evitar os seus efectos adversos en futuras naves.[2][4]
O satélite tiña forma de cilindro de 1,7 m de diámetro e 1,8 m de alto e estabilizábase mediante xiro a 1 r.p.m. Do cilindro saían tres mastros de 3 m de long, un de 2 m e outro de 7 m, con experimentos ó longo deles. Ademais dispoñía dunha antena para medir o campo eléctrico de 101,7 m de longo. Para calibrar o control do potencial eléctrico da nave, levaba a bordo un xerador de electróns e outro de ións positivos de xenon. Os datos recollidos por SCATHA podían gardarse nunha cinta a bordo con capacidade de ata 12 horas.[2][4]