Robert du Buysson

Robert du Buysson

Nome orixinal	Robert François du Buysson
Biografía
Nacemento	6 de maio de 1861 Broût-Vernet, Allier
Morte	16 de marzo de 1946 Saint-Rémy-la-Varenne, Maine e Loira
País de nacionalidade	francesa
Actividade
Ocupación	naturalista, botánico, entomólogo
Empregador	Museo Nacional de Historia Natural de Francia
Membro de	Société entomologique de France ^(pt)
Obra
Abreviación dun autor en botánica	Buyss.
Familia
Pai	François du Buysson

Robert François du Buysson, nado o 6 de maio de 1861 en Broût-Vernet, departamento de Allier e finado o 16 de marzo de 1946 en Saint-Rémy-la-Varenne, departamento de Maine e Loira, foi un naturalista francés.

Traxectoria

Robert du Buysson era fillo do botánico François du Buysson e irmán do entomólogo Henri du Buysson.

Despois de mostrar o seu gusto polos herbarios e o seu agudo sentido da observación desde moi novo, Robert du Buysson comezou a estudar os musgos da súa rexión natal, estendendo rapidamente o seu campo de estudo aos liques e ás criptógamas vasculares. Entre 1888 e 1893 publicou un inventario das criptógamas vasculares de Europa na Revue scientifique du Bourbonnais et du Centre de la France.

No campo da brioloxía, o nome de Robert du Buysson está unido a dúas especies, Orthorichum berthoumieui, nomeado na honra do abade Berthoumieu co que estudou musgos ao redor de Saint-Pourçain (Allier), e Barbula buyssoni.

Pero foi sobre todo no estudo dos insectos onde Robert du Buysson se distinguiu.

En abril de 1898 obtivo un posto de auxiliar temporal de entomoloxía no laboratorio de zooloxía do Museo Nacional de Historia Natural de Francia en París. En 1900 foi nomeado preparador titular de insectos e crustáceos. A maior parte dos seus traballos publicáronse nos Annales de la Société entomologique de France, da que era membro.

Robert du Buysson legou a súa colección de himenópteros ao laboratorio de entomoloxía do Museo Nacional de Historia Natural.

Algunhas publicacións

• 1903: "Note pour servir à l'histoire des Strepsiptères". Bull. Soc. Ent. France 1903: 174-175.
• 1905: "Monographie des guêpes ou Vespa". Ann. Soc. Ent. France 72: 260–288.
• 1905: "Monographie des guêpes ou Vespa (Parts 2 and 3)". Ann. Soc. Ent. France 73: 485–556, 565-634.
• 1905: "Monographie des Vespides du genre Nectarina". Ann. Soc. Ent. France 74: 537–566.
• 1905: "Descriptions d'Hymenopteres nouveaux". Bull. Soc. Ent. France. 1905: 281–282.
• 1907: "Nouvelles especes d'Ischnogaster (Hymenopteres) appartenant au Musee de Leyen. Notes from the Leyden Museum 29: 79–80.
• 1908: "Deux Hyménoptères nouveaux de Java". Notes from the Leyden Museum 30: 123–126.
• 1909: "Monographie des Vespides du genre Belonogaster. Ann. Soc. Ent. France 78: 199–270. Ann. Soc. Ent. France 72: 260–288.
• 1909: "Hyménoptères nouveaux ou peu connus". Annali del Museo di Storia Naturale di Genova, 44: 312–315.
• 1909: "Deux Hyménoptères nouveaux d'Oceanie". Bull. Soc. Ent. France 1909: 305–306.
• 1913: "Hymenoptera der Aru- und Kei-Inseln, Vespidae et Eumenidae". Abhandlungen der Senckenbergischen Naturforschenden Gesellschaft 34: 227–230.
• 1913: "Sur deux Vespides de Java". Bulletin du Musée royal d'Histoire naturelle, Paris 7: 436–437.
• 1913: "Sur quelques Vespides (Hym.)". Bull. Soc. Ent. France 1913: 296–301.

Abreviaturas

• A abreviatura Buyss. emprégase para recoñecer a Robert du Buysson como autoridade na descrición e taxonomía en botánica.^[1]
• A abreviatura Buysson emprégase para recoñecer a Robert du Buysson como autoridade na descrición e taxonomía en zooloxía.

Notas

1. Robert du Buysson no IPNI.

Véxase tamén

Wikispecies posúe unha páxina sobre:  Robert du Buysson

Bibliografía

• Lamy, D. (1984): "Robert du Buysson (1861-1946) et la bryologie dans l'Allier entre 1870 et 1895". Cryptogamie. Bryologie, lichénologie INIST-CNRS.