Polígrafo (autor)

Para outras páxinas con títulos homónimos véxase: Polígrafo.

Diderot por Louis-Michel van Loo, 1767.

Un autor polígrafo (do grego antigo πολυγράφος: poly: moitas e graphos: escrituras) é unha persoa que escribe sobre materias diversas.^[1]

Na literatura

O termo polígrafo aplícase a certos escritores da antigüidade clásica, como Aristóteles e Plutarco entre os gregos e Cicerón e Plinio o Vello entre os romanos. Voltaire e o enciclopedista Diderot son dous exemplos de polígrafos modernos.^[2]

Autores polígrafos

Outros exemplos de autores polígrafos son:

Filgueira Valverde.

• Da antigüidade: Suetonio ou Tolomeo.
• Da idade media: Al Biruni, Abu Nuwas, Isidoro de Sevilla ou Miguel Pselo.
• Da época moderna: Johannes Trithemius, Johann Wolfgang von Goethe ou Athanasius Kircher.
• Da época contemporánea: Rasmus Rask, Arthur Conan Doyle, Joaquín Costa ou Andrés Martínez Salazar.

Entre os galegos pódese citar a José Cornide Saavedra (1734-1803), Antonio Neira de Mosquera (1823-1854), Andrés Martínez Salazar (1846-1923), Arturo Vázquez Núñez (1852-1907), Antonio Couceiro Freijomil (1888-1955), Fermín Bouza-Brey (1901-1973), Xosé Filgueira Valverde (1906-1996) ou Isidoro Millán González-Pardo (1922- 2002).

Outros usos

O termo pode usarse en forma despectiva para referirse a alguén que escribe respecto a distintos asuntos sen ter os coñecementos suficientes.

Notas

1. Definicións no Dicionario da Real Academia Galega e no Portal das Palabras para polígrafo.
2. Encyclopédie Larousse du XXe siècle, París, 1932.