Pietro Germi ([ˈpjɛtro ˈdʒɛrmi]), nado en Xénova o 14 de setembro de 1914 e finado en Roma o 5 de decembro de 1974 foi un actor, director e guionista cinematográfico italiano.
Traxectoria
Germi naceu nunha familia de clase media baixa. Foi mensaxeiro e asistiu por un tempo á escola náutica antes de iniciar a súa carreira coma actor.
Estudou interpretación e dirección no Centro Sperimentale di Cinematografia de Roma. Mentres estudaba traballou como extra, axudante de director e, ocasionalmente, escritor. Debutou como director en 1945 con Il testimone. Os seus primeiros traballos, incluído este filme, seguían o estilo do neorrealismo italiano; moitos eran dramas sociais referentes á xente de orixe siciliana.
Co tempo, Germi evolucionou cara ás comedias satíricas, pero seguindo cos elementos sicilianos. Na década de 1960 logrou éxito internacional cos filmes Divorcio á italiana, Sedotta e abbandonata e Signore & signori, chegando a ser candidato ao Oscar ao mellor director e gañando na categoría de mellor guión orixinal por Divorcio á italiana. Tamén gañou o Gran Premio do Festival de Cannes por Signore & signoris.
Germi colaborou no guión de todos os seus filmes e apareceu como actor en varios deles. Faleceu de hepatite en Roma en 1974.
Filmes
Véxase tamén
Ligazóns externas
