San Xoán de Piñeira é unha freguesía do concello de Ribadeo, pertencente ao arciprestado de Ribadeo. Segundo o censo no ano 2004 tiña 354 habitantes, agrupados en 10 entidades e un lugar, cunha densidade de 60,1 hab/km². Segundo o IGE, no 2014 a súa poboación descendera ata os 322 habitantes, sendo 165 homes e 157 mulleres.
As entidades de poboación son O Alto dos Pinos (13), Barreiro (9), As Cruces (10), Dompiñor (69), A Eirexa (25), Folgosa (35), O Morgullón (16), O Outeiro (8), Río (32) e Vilar (105). O lugar (que xeralmente forman parte dalgunhas das entidades) é Arelongo.
Limita ao norte co Mar Cantábrico, ao leste coa Ría de Ribadeo (que a separa de Asturias) e as parroquias de Ribadeo e Ove, ao sur coa de Ove e Vilaselán e cara ao oeste as de Vilaframil, A Devesa, Vilaselán e Rinlo. Ten unha altitude media de 36 m.
Igrexa parroquial
Historia
A freguesía xunto a outras próximas foron doadas no ano 1182 por Fernando II ao bispo de Mondoñedo para que establecese a capital da diocese en Mondoñedo.[2] Pero outros historiadores fan saber que o nome de Piñeira ten unha escura relación coa posibilidade de que antano nesta zona fose abundante, ademais do carballo, o piñeiro de mar.
Patrimonio
A igrexa de San Xoán de Piñeira dispón dunha cruz parroquial de prata rococó do derradeiro terzo do século XVIII, probablemente obra do taller compostelán.
A festa do Santo Cristo celébrase o derradeiro domingo de setembro. Noutrora celebrábanse as de San Xoán (24 de xuño) e a do Santo Rosario (27 de decembro).
.jpg)
