Os nosos marabillosos aliados (en inglés: Batteries Not Included; estilizado como *batteries not included) é un filme estadounidense de 1987 dirixido por Matthew Robbins. Conta a historia dunhas pequenas naves extraterrestres que salvan un bloque de apartamentos baixo a ameaza do desenvolvemento inmobiliario. A historia estaba orixinalmente prevista para formar parte da serie de televisión Amazing Stories, mais o produtor executivo, Steven Spielberg, gustou da idea tanto que decidiu adaptalo nun filme. Foi o primeiro filme con guión de Brad Bird.
Estreouse en galego o 3 de xuño de 1999 a través da TVG.[3]