Omar Alfredo Rodríguez-López, nado o 1 de setembro de 1975 en Bayamón, Porto Rico, é un multi-instrumentista, compositor, produtor, escritor, actor e director estadounidense. É o compositor, produtor e guitarrista da banda de rock progresivo The Mars Volta, o guitarrista da banda de rock alternativo Bosnian Rainbows, e foi baixista do grupo De Facto e o guitarrista de At the Drive-In.
Biografía
Omar Rodriguez naceu en Porto Rico e medrou en El Paso, Texas, pero pasou parte dos seus primeiros anos en Carolina do Sur. Comezou a tocar o baixo aos 12 anos, pero con 15 cambiouse á guitarra. Nese tempo coñeceu ao seu amigo Cedric Bixler, mentres practicaba con Paul Hinojos. Dende entón Omar pasou a meirande parte da súa carreira vivindo e traballando con Cedric. Durante ese tempo colaborou frecuentemente cos seus amigos e futuros compañeiros de banda de El Paso, entre os que estaban Paul Hinojos, Cedric Bixler-Zavala, Julio Venegas e Jeremy Michael Ward.
Omar uniuse a At the Drive-In como baixista e facendo as segundas voces. Antes de asinar un contrato coa Flipside para gravar Acrobatic Tenement coa banda, el era o encargado do baixo, pero despois cambiou á guitarra. Mentres empezaba con At the Drive-In, tivo traballos como vendedor, secretario e incluso se sacaba algúns cartos trapicheando con drogas.
Omar comezou a súa carreira musical aos 15 anos cando se converteu no cantante da banda hardcore de El Paso, Startled Calf, de 1990 a 1992. Rodríguez-López pasou moito tempo da súa carreira traballando, e a miúdo vivindo. co seu bo amigo Cedric Bixler-Zavala. Mentres aínda tocaban en At the Drive-In, eles formaron un proxecto de dub reggae chamado DeFacto. En 2001 ambos deixaron At the Drive-In, da cal formaban parte dende 1993, nun hiato indefinido para formar The Mars Volta.
O estilo de compoñer e tocar de Rodríguez-López está caracterizado por, á parte doutros factores, disonancias irresoltas (en particular un grande uso do tritono), pasaxes cromáticas e longas improvisacións. É tamén coñecido polo seu gran número de pedais de efectos. Rodríguez-López di ser un ignorante a teoría da música.
O estilo de Rodríguez-López foi moitas veces comparado ao do guitarrista de King Crimson Robert Fripp (que tamén usa tritonos abundantemente). É coñecido que Fripp foi unha imfluencia importante para el. Porén, Rodriguez citou ao pianista de salsa Larry Harlow como a súa principal influencia. Rodriguez cita ao comediante Lenny Bruce, o director de cine Werner Herzog e ao antropologo Carlos Castaneda como outras tres importantes influencias.
Omar Rodriguez-Lopez Quintet
O "Omar Rodriguez-Lopez Quintet" é un proxecto paralelo de Rodríguez-López. Tomando algún tempo libre do seu traballo con The Mars Volta, Rodríguez-López toca en directo con este quinteto, que en 2005 incluíu a tres membros de The Mars Volta: Juan Alderete, Marcel Rodríguez-López e Adrian Terrazas-Gonzales. O álbum auto-tilulado que editaron en 2005 foi gravado case todo en Ámsterdam. O álbum, Omar Rodriguez, está composto por longas e improvisadas cancións con títulos en neerlandés e sen letras.
Despois de rematar o álbum de The Mars Volta Amputechture do 2006, Rodríguez-López colaborou con Damo Suzuki nun EP titulado Please Heat This Eventually. A colaboración inclúe a membros do seu quinteto. f Omar's Quintet. O selo de Omar Gold Standard Labs editou unha edición especial en vinilo en decembro do 2006 e a versión en CD editouse o 23 de xaneiro de 2007.
Discografía
En solitario/Omar Rodriguez-Lopez Quintet
Con Startled Calf
Colaboracións
|
|---|
|
| Álbums de estudio | |
|---|
| EPs | |
|---|
| Recompilatorios | |
|---|
| Sinxelos | |
|---|
| Artigos relacionados | |
|---|
