PROFILBARU.COM

	Nanterre 92
Información xeral
Liga	Pro A
Alcume	Les Verts
Fundación	1927
Historia	JSF Nanterre (1927−2016)
Cores	Verde, branco
Presidente	Jean Donnadieu
Adestrador	Pascal Donnadieu
Localización
Cidade	Nanterre, Francia
Pavillón	Maurice Thorez
Capacidade	3 004
Campionatos
FIBA Europe Cup	1 (2017)
EuroChallenge	1 (2015)
Liga	1 (2013)
Copa	2 (2014, 2017)
Supercopa	2 (2014, 2017)
	nanterre92.com

O Nanterre 92, antes coñecido como Jeunesse sportive des Fontenelles de Nanterre ou JSF Nanterre, é un equipo de baloncesto profesional francés con sede na cidade de Nanterre (Hauts-de-Seine, Illa de Francia). Actualmente xoga na Ligue Nationale de Basket Pro A, a máxima categoría do baloncesto francés. Os seus maiores éxitos concéntranse na década de 2010, onde conseguen gañar unha Liga, dúas Copas, o EuroChallenge e a FIBA Europe Cup.

Historia

A Jeunesse sportive des Fontenelles de Nanterre foi fundada no ano 1927. Entre os anos 1990 e 1995, o equipo foi reforzado pola fusión entre a sección de baloncesto do club e o Entente Sportive de Nanterre. Coa súa sede en Nanterre, nos Hauts-de-Seine, o club vaga até o final da década de 1980 nas divisións departamentais e rexionais inferiores. Após a chegada dunha nova directiva ao club en 1987, o club comeza a subir de categoría. Desde 1989 até 2004 o equipo ascende até dez veces en quince anos sen descender nunca. As pezas angulares deste proxecto foron o presidente Jean Donnadieu e o adestrador Pascal Donnadieu, que permaneceron no posto durante todo este tempo.

O equipo debuta na Pro B, segunda categoría do baloncesto francés, na temporada 2004–05. No ano 2007 o club abre un centro de formación que permite, co apoio do Consello Rexional e o Concello de Nanterre, a doce xogadores compatibilizar os estudos co deporte de alto nivel. Ese mesmo ano o equipo chega á final da Copa de Francia, onde perden por 92–83 ante o Pau-Orthez. No ano 2011 o club gaña o campionato de Segunda División e ascende por vez primeira á máxima categoría. Despois do ascenso o equipo segue a mellorar até gañar en tan só dous anos o seu primeiro título de Liga, que virá acompañado da consecución de dúas Copas, e dous títulos europeos: o EuroChallenge e a FIBA Europe Cup. En febreiro de 2016 o club muda o seu nome de JSF Nanterre a Nanterre 92.^[1]

Ano a ano

Ano	Nivel	Liga	Pos.	Copa	Leaders Cup	Competicións europeas
2006–07	2	Pro B	5º	Subcampión
2007–08	2	Pro B	7º	Semifinais
2008–09	2	Pro B	9º	Rolda de 32
2009–10	2	Pro B	6º	Rolda de 16
2010–11	2	Pro B	1º	Rolda de 32
2011–12	1	Pro A	11º	Rolda de 16
2012–13	1	Pro A	1º	Subcampión
2013–14	1	Pro A	10º	Campión	Subcampión	1 Euroliga	LR
2013–14	1	Pro A	10º	Campión	Subcampión	2 Eurocup	OF
2014–15	1	Pro A	5º	Oitavos de final		3 EuroChallenge	C
2015–16	1	Pro A	8º	Semifinais	Semifinais	2 Eurocup	LR
2016–17	1	Pro A	6º	Campión	Semifinais	4 FIBA Europe Cup	C
2017–18	1	Pro A	7º	Semifinais	Semifinais	3 Champions League	R16
2018–19	1	Pro A	4º	Cuartos de final		3 Champions League	CF
2019–20	1	Pro A	7º	Rolda de 16		2 EuroCup	FG
2020–21	1	Pro A	10º	Rolda de 16		2 EuroCup	R16
2021–22	1	Pro A	10º	Rolda de 32

Pavillóns

O Nanterre 92 xoga os seus partidos coma local da liga francesa no Palais des Sports Maurice Thorez, con capacidade para 3.000 espectadores. Porén, ocasionalmente e para partidos europeos, o club usa o Halle Georges Carpentier de París con capacidade para 5.009 espectadores. O 11 de marzo de 2018, o equipo xogou un partido de Liga no U Arena de Nanterre, onde o Nanterre 92 venceu ao ASVEL Basket por 81–80 ante 15.220 espectadores, máxima asistencia a un partido da competición gala da súa historia.^[2]

Xogadores

Destacados

Títulos

Competicións locais

Liga

Campións (1): 2013

Copa

Campións (1): 2014, 2017
Subcampións (2): 2007, 2013

Supercopa

Campións (2): 2014, 2017
Subcampións (1): 2013

Segunda División

Campións (1): 2011

Competicións europeas

FIBA Europe Cup

Campións (1): 2017

EuroChallenge

Campións (1): 2015

Notas

↑ Gaudot, Christophe (15 de febreiro de 2016). "La JSF Nanterre change de nom et devient Nanterre 92" (en francés). Arquivado dende o orixinal o 21 de setembro de 2018. Consultado o 21 de setembro de 2018.
↑ "15.220 fans in the U Arena!". eurohoops.net (en inglés). 11 de marzo de 2018.