"Man in the Mirror" é unha canción do artista Michael Jackson, que foi escrita por Glen Ballard e Siedah Garrett. A gravación foi co-producida por Quincy Jones e o propio Jackson. Acadou o número 1 nos Estados Unidos cando foi lanzada en xaneiro de 1988 como o cuarto sinxelo do seu sétimo álbum en solitario, Bad. É unha das cancións máis aclamadas pola crítica de Jackson, e foi nomeada na categoría "Record of the Year" nos Premios Grammy. Mantívose no máis alto da Billboard Hot 100 durante dúas semanas.