Os premios Grammy foron creados pola Recording Academy, unha asociación de estadounidenses profesionalmente relacionados coa industria da música, para recoñecer logros extraordinarios na industria da gravación.
Historia
É un dos catro shows anuais de premios musicais que se celebran nos Estados Unidos de América, os outros tres son: os Premios Billboard, os Premios American Music, e o Rock and Roll Hall of Fame Indution Ceremony. Porén, os Grammys, que normalmente se celebran en febreiro, considéranse o equivalente aos Premios Oscar no mundo de música.[Cómpre referencia]
Como os Oscars, os Grammys, que están compostos por 105 categorías en 30 xéneros de música, outórganse por votación e non por índice de popularidade como ocorre cos Premios American Music e os Premios Billboard Music.
A cerimonia dos Grammys inclúe actuacións dos artistas máis coñecidos e os premios máis agardados entréganse nunha gran cerimonia televisada a través do canal CBS.
A data límite para ser candidato aos Grammys é o 1 de outubro. Por esta razón os artistas estratexicamente apuran para publicar os seus álbums antes desta data para teren opcións de gañar o Grammy dese ano.[Cómpre referencia]
Desde o ano 2000, debido á crecente importancia do mercado e da produción de música no ámbito de América Latina e entre a poboación latina dos Estados Unidos, lévase a cabo a entrega dos premios Grammy Latinos (Latin Grammy). Estes premios, que se dividen en 50 categorías, teñen como data límite o 31 de marzo de cada ano e entréganse en setembro.
Porén, o premio Grammy é considerado para moitos como un premio polémico, xa que grandes iconas musicais como Queen ou Lede Zeppelin nunca gañaron ningún, e David Bowie só conseguiu un en toda a súa traxectoria, e gañouno ao Mellor Vídeo Musical.
Jethro Tull e a polémica de 1989
En 1989 os Jethro Tull gañaron o premio Grammy polo seu álbum Crest of a Knave na categoría de The Best Hard Rock/Metal Performance (Mellor Performance de Hard Rock/Metal), derrotando, contra todo prognóstico, os favoritos Metallica. O premio foi particularmente controvertido, xa que moitos non consideran a Jethro Tull como unha banda de hard rock, e moito menos de heavy metal. O feito adicional de que esta fora a primeira ocasión en que se entregaba un Grammy de heavy metal foi visto como un insulto para os fanáticos do xénero.[Cómpre referencia] Talvez como consecuencia disto, desde entón entregáronse Grammys para bandas de heavy metal e hard rock por separado. Por recomendación do seu representante, ningún dos integrantes do grupo asistira á cerimonia (parecía que non tiñan posibilidades de gañar, xa que non era propiamente o seu xénero de música, aínda que o disco tiña unha calidade excepcional), afortunadamente para eles, xa que tras seren anunciados como gañadores, parte da audiencia apupou o resultado. A banda, como consecuencia das críticas, respondeu lanzando un anuncio nunha revista musical británica no que se dicía: "The flute is a Heavy Metal instrument!" (A frauta é un instrumento de Heavy Metal).
Críticas
Quizais o que máis chamou a atención destes premios non sexa a importancia que varios medios de comunicación lles dan, senón máis ben a polémica que causaron ao longo da súa traxectoria. Foron fortemente criticados por varios especialistas dentro do mundo da música. Moitos críticos conservadores argumentaron que os Premios Grammy só teñen a intención de beneficiar un grupo da industria musical promovendo os seus produtos e ideas. Os gañadores nos Grammy só reflicten as preferencias políticas, sociais e artísticas dos votantes membros da Academia. Outros críticos, dentro da industria, cuestionaron abertamente por que os Grammy seguen tendo importancia na sociedade actual.[Cómpre referencia]
Categorías dos premios
Alternativa
Blues
Children's
Clásica
Composición/Arranxos
Country
Dance
Disco
Folk
Gospel
- Best Gospel Performance
- Best Gospel Song
- Best Gospel Performance, Traditional
- Best Gospel Performance, Contemporary
- Best Gospel Vocal Performance, Female
- Best Gospel Vocal Performance, Male
- Best Gospel Vocal Performance by a Duo or Group, Choir or Chorus
- Best Soul Gospel Performance
- Best Soul Gospel Performance, Traditional
- Best Soul Gospel Performance, Contemporary
- Best Soul Gospel Performance, Female
- Best Soul Gospel Performance, Male
- Best Soul Gospel Performance, Male or Female
- Best Soul Gospel Performance by a Duo or Group, Choir or Chorus
- Best Inspirational Performance
- Best Pop/Contemporary Gospel Album
- Best Rock Gospel Album
- Best Traditional Soul Gospel Album
- Best Contemporary Soul Gospel Album
- Best Southern, Country or Bluegrass Gospel Album
- Best Gospel Choir or Chorus Album
Jazz
Latina
Musical Show
Vídeo musical
New Age
Packaging/Notes; Best Album Cover
Polka
Pop
Production/Engineering
R&B
Rap
Reggae
Rock
Surround Sound
Spoken
Traditional Pop
World
