A música barroca é un estilo da música occidental ou música clásica relacionado coa época cultural homónima en Europa. Adóitase delimitala cronoloxicamente entre a estrea da ópera de Claudio MonteverdiL'Orfeo (que foi a primeira ópera do compositor italiano e unha das primeiras obras catalogadas como tal) a principios do século XVII e a morte de Johann Sebastian Bach en 1750, se ben esta delimitación non é de todo exacta.
Características
Concerto de música barroca de The Oberlin Baroque Performance Institute Orchestra.
O termo barroco foi tomado de arquitectura, onde designaba algo "retorcido", unha construción "pesada, elaborada, envolta", un lusismo que describía unha perla deformada ou falsa xoia). No século XVIII utilizábase en sentido pexorativo para describir as características do estilo do século anterior, que se consideraba "baso, estraño, áspero e anticuado".[1]
Johann Sebastian Bach e Georg Friedrich Händel son considerados dous dos maiores compositores do período barroco e moitas veces son interpretados en programacións conxuntas.[2] Alén da música, compartiron outro destino: os dous ficaron cegos e foron operados polo mesmo doutor.[3]
