La Oliva (periódico)

Para outras páxinas con títulos homónimos véxase: La Oliva (homónimos).

La Oliva
Lingua	lingua castelá
Localidade	Vigo
ISSN	0214-5545
Descrito por	Diccionario da literatura galega, Gran Enciclopedia Galega Silverio Cañada e Enciclopedia Galega Universal
Na rede
[ editar datos en Wikidata ]

La Oliva foi un periódico galego publicado en Vigo entre 1856 e 1873.

Historia e características

Subtitulado Periódico de política, literatura e intereses materiales, Periódico de literatura e intereses materiales e Periódico de Galicia (desde o número 106), apareceu o 2 de febreiro de 1856. O 26 de marzo dese ano publicou o brinde de Eduardo Pondal no Banquete de Conxo.^[1] Tiña unha periodicidade bisemanal, e estaba vencellado aos sectores máis rexionalistas do Partido Progresista. Fundado e elaborado por Xosé Ramón Fernández, editouse nos obradoiros de Juan Compañel, quen tamén foi colaborador, xunto con Miguel Vidal, Atanasio Fontano e Alejandro Chao. Concedeulle importancia á historia e á literatura galega. Contou con Manuel Murguía como director literario, encargado de redactar un folletín e dar a coñecer os máis destacados autores da época en Galicia, como Eduardo Pondal, Aurelio Aguirre ou Alfredo Brañas. Foi suspendido por orde gobernativa o 11 de abril de 1857 e substituído por El Miño. Reapareceu o 1 de outubro de 1868 e aínda se publicaba en 1873.

Notas

1. "Brindis. Pronunciado en el célebre banquete que tuvo lugar en Santiago entre estudiantes y artesanos" La Oliva. A. I, n.º 16. 26/3/1856 (en castelán).

Véxase tamén

Bibliografía

• "Oliva, La". Enciclopedia Galega Universal. Ir Indo. 1999-2002. ISBN 84-7680-288-9. 
• "Oliva, La". Gran Enciclopedia Galega Silverio Cañada (DVD). El Progreso. 2005. ISBN 84-87804-88-8. 
• Álvarez Blázquez, José Mª (1980). "La prensa periódica viguesa en el siglo XIX". Vigo en su historia (en castelán). Caja de Ahorros Municipal de Vigo. pp. 508–510. ISBN 84-7231-494-4. 
• Lorenzana, Salvador (abril - maio - xuño, 1988). "Breve historia da prensa periódica en Galicia". Grial: 210–222. ISSN 0017-4181. 
• Santos Gayoso, Enrique (1990). Historia de la prensa gallega 1800-1986. Cuadernos do Seminario de Sargadelos (en castelán) 52. Sada: Ediciós do Castro. ISBN 84-7492-489-8. 
• Vilavedra, Dolores, ed. (1997). Diccionario da literatura galega. Publicacións Periódicas II. Vigo: Editorial Galaxia. ISBN 84-8288-137-X. 

Outros artigos

• Banquete de Conxo
• Lista de publicacións impresas da provincia de Pontevedra

Ligazóns externas

• Martínez González, Xurxo (2015). La Oliva (1856-1857). Un xornal galeguista e progresista na soleira do Rexurdimento (Tese de doutoramento). Universidade de Vigo.