Jostein Gaarder![]()
(2017)  |
|
| Nacemento | 8 de agosto de 1952 (72 anos)
Oslo, Noruega |
|---|
| Relixión | Cristianismo |
|---|
| Educación | Universidade de Oslo
Oslo Cathedral School (en)  |
|---|
|
| Ocupación | mestre, escritor de literatura infantil, guionista, filósofo, novelista, poeta |
|---|
| Período de actividade | 1986 - |
|---|
| Xénero artístico | Poesía |
|---|
|
Obras destacables |
|
| Nai | Inger Margrethe Gaarder |
|---|
| Irmáns | Helge Gaarder |
|---|
|
|
|
| Descrito pola fonte | Obálky knih, 
Medvik >>>:Gaarder, Jostein, 1952-,
Iedereen Leest (en) |
|---|
  
    |
Jostein Gaarder, nado o 8 de agosto de 1952 en Oslo, é un escritor noruegués autor de obras pertencentes á literatura infantil e xuvenil[1]. Acadou un grande éxito internacional coa obra Sofies verden (O mundo de Sofía), que vendeu 30 millóns de exemplares e foi traducido a cincuenta e tres idiomas [2] .
Traxectoria
Fillo dun director de escola e dunha mestra (asemade escritora de literatura infantil), cursou na Universidade de Oslo os estudos de Filoloxía Escandinava e Historia das Ideas e da Relixión. Ao comezo dos anos 80 trasladouse a Bergen, onde foi profesor de Filosofía nun instituto ata os anos 90, momento no que abandonou a súa actividade docente [1].
Publicou a súa primeira obra, un libro de relatos, en 1986, pero non foi ata 1991 cando publicou Sofies verden. A obra, que xurdira coma unha tentativa de resumir a historia da filosofía e que era considerada polo autor coma un libro para lectores especializados, converteuse nun best-séller e chegou a ser a novela máis vendida do mundo en 1995 [2]. En 1997, en honor ao éxito da novela, creou o Sophie Prize (Premio Sofía) destinado a axudar economicamente calquera tipo de iniciativa relacionada coa preservación do medio ambiente [3].
No tocante ao seu estilo, Jostein Gaarder constrúe as súas obras tentando cuestionar o mundo que o rodea. Acotío emprega a metaficción, desenvolvendo historias dentro doutras historias [4].
Obra
- Diagnosen og andre noveller (O diagnóstico e outras historias), 1986
- Barna fra Sukhavati (Os nenos de Sukhavati), 1987
- Froskeslottet (O castelo das ras), 1988
- Kabalmysteriet (O misterio do solitario), 1990
- Sofies verden. Roman om filosofiens historie (O mundo de Sofía. Unha novela sobre a historia da filosofía), 1991
- Julemysteriet (O misterio de Nadal), 1992
- Bibbi Bokkens magiske bibliotek (A biblioteca máxica de Bibbi Bokkens), 1993
- I et speil, i en gåte (O enigma no espello), 1993
- Hallo? Er det noen her? (Ola? Hai alguén aí?), 1996
- Vita brevis (Vida breve), 1996
- Maya (Maya), 1996
- Sirkusdirektørens datter (A filla do director de circo), 2001
- Appelsinpiken (A rapaza das laranxas), 2003
- Sjakk Matt (Xaque mate), 2006
- De gule dvergene (Os ananos amarelos), 2006
- Slottet i Pyreneene (O castelo nos Pireneos), 2008
- Det spørs, 2012
- A Terra de Anna (Anna. En fabel om klodens klima og miljø), 2017[5].
- Anton og Jonatan, 2014
- Dukkeføreren, 2016
- Deutscher Jugendliteraturpreis" (1994), pola obra Sofies verden
- Premio La Vanguardia (1995), pola obra Sofies verden
- Buxtehude Bulle (1996), pola obra I et speil, i en gåte
- Premio Arcebispo Xoán de San Clemente (1996), pola obra Sofies verden
- Willy Brandt Prize (2004)
- The Royal Norwegian Order of St. Olav (2005)
- Honorary degree at Trinity College (2005)
Notas
.jpg)
